Sudhir mungantiwar birthday 30 जुलै रोजी राज्याचे वनमंत्री व जिल्ह्याचे पालकमंत्री सुधीर मुनगंटीवार यांचा वाढदिवस, दरवर्षी मोठ्या जल्लोषात त्यांचा वाढदिवस साजरा करण्यात येतो मात्र यंदा त्यांनी जल्लोष करू नका असे आवाहन कार्यकर्त्याना केले आहे अशी माहिती भाजप ग्रामीण जिल्हाध्यक्ष हरीश शर्मा यांनी आयोजित पत्रकार परिषदेत दिली.
अवश्य वाचा : चंद्रपूर जिल्ह्यात पोलिसांचा धाक राहिला की नाही? आमदार किशोर जोरगेवार यांचा सवाल
Sudhir mungantiwar birthday संतकृपा हॉटल येथे पत्रकार परिषद घेण्यात आली, यंदा राज्य सहित जिल्हयात अतिवृष्टी मुळे शेतकरी व नागरिक यांचे मोठे नुकसान झाले आहे, इतकेच नव्हे तर अजूनही पाऊस सुरू असल्याने जिल्ह्यातील परिस्थिती बिकट आहे, त्यामुळे माझ्या वाढदिवसाला घेण्यात येणारे सर्व कार्यक्रम रद्द करावे व 30 जुलै ते 14 ऑगस्ट पर्यंत सर्वांनी सेवा सप्ताह म्हणून साजरा करावा.
यामध्ये पूर ग्रस्तांची मदत, आरोग्य शिबीर व नागरिकांसाठी धार्मिक स्थळी महा आरतीचे आयोजन करावे असे आवाहन मुनगंटीवार यांनी केले अशी माहिती हरीश शर्मा यांनी दिली आहे.
अवश्य वाचा : मुसळधार पावसाचा इशारा
जिल्ह्यात अजूनही पावसाने हाहाकार माजविला आहे, नागरिकांचे जनजीवन विस्कळीत झाले असल्याने यंदा चा वाढदिवस त्या पूरग्रस्त नागरिकांची सेवा करीत सेवा पंधरवाडा म्हणून साजरा करावा असे आवाहन पालकमंत्री सुधीर मुनगंटीवार यांनी कार्यकर्ते व पदाधिकाऱ्यांना केले आहे.
