Dengue घुटकाळा वॉर्ड येथील वाहन दुरुस्तीचा व्यवसाय करणाऱ्या इलियाज खान यांचा मालकीच्या लकी गराजवाला यांच्या घराला चंद्रपूर महानगरपालिकेतर्फे सफाई करण्याची नोटीस देण्यात आली आहे.
Dengue डेंग्यु व इतर कीटकजन्य आजारांचा उद्रेक टाळण्यासाठी चंद्रपूर महानगरपालिकेमार्फत डासोत्पत्ती स्थाने तपासणी मोहीम राबविली जात आहे. आरोग्य विभागाने केलेल्या तपासणीदरम्यान घुटकाळा वॉर्ड येथील लकी गराजवाला येथील मोठ्या प्रमाणात दुचाकी व चारचाकी वाहनांचे स्पेअर पार्टस गॅरेजमालकाच्या घराच्या छतावर अनेक दिवसांपासुन टाकुन ठेवले असल्याचे आढळले. मोठ्या प्रमाणात स्पेअर पार्टसचा खच असल्याने त्यात पाणीही मोठ्या प्रमाणात साचुन असलेले निदर्शनास आले.
गुन्हेगारी : चंद्रपूर जिल्ह्यातील 6 गुन्हेगारांना पोलिसांनी केले तडीपार
परिणामतः अश्या ठिकाणी डेंग्यु डासांच्या लारवांची उत्पत्ती होऊन शहरात डेंग्यु उद्रेक होण्याची शक्यता असल्याने त्या वाहनांचे स्पेअर पार्टसची तात्काळ पर्यायी व्यवस्था करून परिसर स्वच्छ करण्याची नोटीस मनपामार्फत बजाविण्यात आली आहे.सदर प्रकार पुन्हा आढल्यास महाराष्ट्र महानगरपालिका अधिनियम १९४९ तसेच साथरोग नियंत्रण अधिनियमानुसार दंडाची कारवाई करण्यात येणार आहे.
घटना : चंद्रपुरात भूस्खलन, महिला पडली 20 फूट खोल खड्ड्यात
पावसात मोकळे भूखंड, बंद घराची छते, चालु बांधकामाची ठिकाणे, घरी वापर नसलेली ठिकाणे, कूलर,टायर, भंगारातील वस्तु,डबे इत्यादी ठिकाणी पाणी साचुन राहते व याच जागा डासांची उगमस्थाने बनतात. या उगमस्थानांचा शोध घेऊन ती नष्ट करणे व नागरीकांना सचेत करणे यासाठी डासोत्पत्ती स्थाने तपासणी मोहीम सुरु करण्यात आली असुन नागरीकांनी आपल्या घरी साचलेले पाणी राहु नये यांची काळजी घेण्याचे आवाहन मनपा प्रशासनातर्फे करण्यात येत आहे.
एडिसचा प्रसार डासांमुळे होतो.
डेंग्यू हा लक्षणे नसलेला संसर्ग किंवा सौम्य आजारापासून गंभीर आजारापर्यंत असू शकतो. डेंग्यू विषाणूचे चार उपप्रकार आहेत. अंदाजे 4 पैकी 1 डेंग्यू विषाणू संसर्ग लक्षणात्मक आहे. लक्षणात्मक डेंग्यू विषाणूचा संसर्ग सामान्यत: सौम्य ते मध्यम, तीव्र तापजन्य आजार म्हणून प्रकट होतो. डेंग्यूच्या चारपैकी कोणत्याही एका विषाणूचा संसर्ग त्या विशिष्ट विषाणूला दीर्घकालीन प्रतिकारशक्ती निर्माण करेल. डेंग्यूचे चार विषाणू असल्यामुळे, लोकांना त्यांच्या आयुष्यात अनेक वेळा संसर्ग होऊ शकतो. प्रारंभिक क्लिनिकल निष्कर्ष अविशिष्ट आहेत, परंतु संशयाचा उच्च निर्देशांक आवश्यक आहे कारण शॉकची प्रारंभिक लक्षणे ओळखणे आणि त्वरित गहन सहाय्यक थेरपी सुरू केल्याने रुग्णांमध्ये मृत्यूचा धोका कमी होऊ शकतो.
