Maharashtra local body election voter list download
Maharashtra local body election voter list download : चंद्रपूर 16 ऑक्टोबर : राज्य निवडणूक आयोगाने महानगरपालिकांच्या सार्वत्रिक निवडणुकांसाठी मतदार यादीचा कार्यक्रम २०२५ जाहीर केला आहे. स्थानिक स्वराज्य संस्थांच्या मतदानाचा संभाव्य दिनांक लक्षात घेऊन मतदार यादी तयार करण्यासाठी मुंबई महानगरपालिका अधिनियम १८८८ (१८८८ चा मुंबई ३) च्या कलम १९ (१) (ब) आणि महाराष्ट्र महानगरपालिका अधिनियम १९४९ (१९४९ चा मुंबई अधिनियम क्र. ५९) मधील कलम ७ अ अन्वये एक विशिष्ट दिनांक अधिसूचित केली जाते.
Also Read : ब्रह्मपुरीमध्ये जुगार अड्ड्यावर छापा, 6 आरोपी अटकेत
कार्यक्रम जाहीर
मतदार यादी ग्राह्य धरण्याचा कार्यक्रम (१ जुलै २०२५), राज्य निवडणूक आयोगाने महानगरपालिकांना दिलेल्या युजर आयडी व पासवर्डचा वापर करून १ जुलै २०२५ रोजी अस्तित्वात असलेल्या विधानसभेच्या मतदार याद्या राज्य निवडणूक आयोगाच्या वेबसाईटवरून डाऊनलोड करणे (१४ ऑक्टोबर २०२५), राज्य निवडणूक आयोगाने अधिसूचित केलेल्या तारखेस अस्तित्वात असलेल्या विधानसभेच्या मतदार यादीवरून महानगरपालिकांच्या सार्वत्रिक निवडणुकीकरीता तयार केलेली प्रारूप मतदार यादी, municipal elections voter list
हरकती व सूचना मागविण्याकरिता प्रसिद्ध करण्याचा दिनांक (६ नोव्हेंबर २०२५), प्रारूप मतदार यादीवर हरकती व सूचना दाखल करण्याचा अंतिम दिनांक (१४ नोव्हेंबर २०२५), प्रारूप मतदार यादीवर दाखल हरकतीवर निर्णय घेऊन प्रभाननिहाय अंतिम मतदार याद्या अधिप्रमाणित करून प्रसिद्ध करणे (२८ नोव्हेंबर २०२५), मतदान केंद्राच्या ठिकाणांची यादी प्रसिद्ध करणे ४ डिसेंबर २०२५, मतदान केंद्रनिहाय मतदार यादी प्रसिद्ध करणे १० डिसेंबर २०२५ असा कार्यक्रम जाहीर करण्यात आला आहे.
