Wardha River Drowning : चंद्रपूर - चंद्रपूर तालुक्यातील धानोरा गावात कपडे धुण्यासाठी गेलेल्या तिघेजण वर्धा नदीत बुडाल्याची घटना समोर आली आहे.यामध्ये राजू कोडापे (वय 40), अर्पिता कोडापे (वय 12) आणि प्रियांका मडावी (वय 14) यांचा समावेश आहे. (२ दिवसापासून बेपत्ता महिलेचा विहिरीत आढळला मृतदेह)
राजुरा तालुक्यातील खामोना निवासी राजू हरिचंद्र कोडापे हे आपल्या बहिणीच्या गावी धानोरा मध्ये आले होते, आज २८ एप्रिल रोजी वर्धा नदीकाठी कपडे धुण्यासाठी गेले असताना राजू कोडापे यांना पाण्याचा अंदाज न आल्याने ते खल पाण्यात गेले, त्यांनी स्वतःला वाचविण्यासाठी प्रयत्न केला असता त्यावेळी त्यांची १२ वर्षीय मुलगी अर्पिता कोडापे व १४ वर्षीय भाची प्रियांका मडावी यांनी वाचविण्याचा प्रयत्न केला मात्र ते तिघेही खोल पाण्यात बुडाले.
घटनेची माहिती मिळताच घुग्घुस पोलिसांनी घटनास्थळी धाव घेत शोधमोहीम सुरू केली असून तिघांचा शोध सुरू आहे. या दुर्दैवी घटनेमुळे धानोरा गावात शोककळा पसरली आहे.
Leave a Comment