News34 chandrapur
गडचांदूर – अल्ट्राटेक सिमेंट लिमिटेड, माणिकगढ कंपनी तर्फे सामाजिक दायित्वांच्या कार्याद्वारे विविध उपक्रम राबविले जातात त्याचाच एक भाग म्हणून 6 डिसेम्बर रोजी घरगुती आग सुरक्षा मार्गदर्शन कार्यक्रम महात्मा गांधी जुनिअर कॉलेज गडचांदूर येथे राबविण्यात आला.
या कार्यक्रमात आग कशी लागू शकते, लागल्यास त्या पासून काय हानी होऊ शकते व त्यावरती आपण काय उपाययोजना करू शकतो हे प्रात्यक्षिका द्वारे माणिकगड सिमेंट वर्क्सच्या विभागाने शाळेतील एकूण 700 विध्यार्थी आणि शिक्षकांना समजवून सांगितले.
प्रात्यक्षिकात आग लागल्यावर अग्निरोधक कसे वापरावे हे विध्यार्थी व शिक्षक वर्ग याना समजवून सांगितले, कार्यक्रमा दरम्यान मुलांना याबाबत प्रश्न विचारण्यात आले आणि विध्यार्थ्यांना पुरस्कृत सुद्धा करण्यात आले.
यावेळी प्राचार्य चिताडे मॅडम यांनी मार्गदर्शन करताना सांगितले की हा उपक्रम अतिशय उपयुक्त असून या पासून आम्हाला व विध्यार्थ्यांना घरगुती आग व सुरक्षे बद्दल मोलाचे मार्गदर्शन मिळाले. सर्व शिक्षक वर्गानी या कार्यक्रमांची मनसोक्त प्रशंसा केली व असे उपक्रम पुन्हा पुन्हा राबवावे अशी विनंती सुद्धा केली.
या कार्यक्रमा प्रसंगी प्राचार्य ,स्मिता चिताडे मॅडम, उप प्राचार्य माहुरे सर तसेच माणिकगढ संघ आणि शाळेतील शिक्षक व विध्यार्थी वर्ग उपस्थित होते.