Growing marijuana in the backyard

Growing marijuana in the backyard : चंद्रपूर 10 नोव्हेंबर (News34) गुन्हेगारी क्षेत्रात पाऊल ठेवण्यासाठी तरुण नव्या युक्त्या वापरत आहे, चंद्रपूर जिल्ह्यातील एका तरुणाने अंमली पदार्थाचा धंदा करायचा असल्याने त्याने थेट घराच्या अंगणात गांजा ची झाडे लावली. मात्र पोलिसांच्या सतर्कतेने युवकाला अटक करीत 2 लाख 39 हजार रुपयांचा मुद्देमाल जप्त करण्यात आला.

चंद्रपूर जिल्ह्यातील नागभीड तालुक्यातील कानपा गावातील 23 वर्षीय रक्षद प्रभाकर आत्राम ने आपल्या घराच्या अंगणात अंमली वनस्पतींचे लहान मोठे असे एकूण 47 झाडे लावली होती. पोलिसांना याबाबत गोपनीय माहिती मिळाली होती, माहितीच्या आधारे नागभीड पोलिसांनी तपास सुरू केला असता आत्राम यांच्या घरी धाड मारली असता घराच्या अंगणात गांजा ची झाडे आढळून आली.

Also Read : चंद्रपुरात पुन्हा वाघाचा हल्ला, आतापर्यंत वन्यप्राण्यांच्या हल्ल्यात 39 बळी

पोलिसांनी 23 किलो 910 ग्राम असा एकूण 2 लाख 39 हजार 100 रुपये किमतीचा मुद्देमाल जप्त केला. आरोपी रक्षद आत्राम वर NDPS ACT अनव्ये गुन्हा दाखल करीत अटक केली.

सदरची कारवाई पोलीस अधीक्षक मुमक्का सुदर्शन, अपर पोलीस अधीक्षक ईश्वर कातकडे, उपविभागीय पोलीस अधिकारी राकेश जाधव यांच्या मार्गदर्शनाखाली पोलीस निरीक्षक रमाकांत कोकाटे यांच्या नेतृत्वात सपोनि दिलीप पोटभरे, पोउपनी अजिंक्य गोविंदलवार, भोजराम लांजेवार, पोलीस कर्मचारी दीपक कोडापे, भरत घोळवे, दिलीप चौधरी, प्रफुल रोहनकर, विक्रम आत्राम, ज्ञानेश्वर कुंभारे, आकाश चोपकर, किरण कोकोडे व अरुणा धुर्वे यांनी केली.