भद्रावती: (bhadravati ganja arrest) प्रकरणात भद्रावती पोलिसांनी मोठी कामगिरी केली आहे. शहरातील शिवाजी नगर भागात राहत्या घरातूनच बेकायदेशीररित्या गांजाची विक्री करणाऱ्या एका तस्करावर पोलिसांनी मोठी कारवाई केली. सायंकाळच्या सुमारास मिळालेल्या खात्रीशीर माहितीच्या आधारे पोलिसांनी ही धडक कारवाई केली. या कारवाईत पोलिसांनी मुख्य आरोपी सोनल महाकुळकर याला रंगेहात अटक केली असून त्याच्याकडून ९०७ ग्रॅम गांजा, दुचाकी आणि मोबाईल असा एकूण १ लाख ३ हजार रुपयांचा मुद्देमाल जप्त केला आहे.
bhadravati ganja arrest : गुन्हे शोध पथकाचा शिवाजी नगर येथे छापा
शहरातील शिवाजी नगर भागात राहत्या घरातूनच बेकायदेशीररित्या गांजाची विक्री करणाऱ्या एका तस्करावर भद्रावती पोलिसांनी मोठी कारवाई केली आहे. १५ जुलै २०२६ रोजी सायंकाळच्या सुमारास मिळालेल्या खात्रीशीर गुप्त माहितीच्या आधारे पोलिसांनी ही धडक कारवाई केली. या कारवाईत पोलिसांनी मुख्य आरोपीला रंगेहात अटक केली असून त्याच्याकडून ९०७ ग्रॅम गांजा, दुचाकी आणि मोबाईल असा एकूण १ लाख ३ हजार रुपयांचा मुद्देमाल जप्त केला आहे. पोलिसांच्या या तत्पर कारवाईमुळे भद्रावती शहरात अवैध अंमली पदार्थांची विक्री करणाऱ्यांचे धाबे दणाणले आहेत. (जुगार अड्ड्यावर छापा, ९ जण ताब्यात)
या धाडसी कारवाईची सविस्तर हकीकत अशी की, १५ जुलै २०२६ रोजी भद्रावती पोलीस स्टेशनचे पोलीस पथक हद्दीत नेहमीप्रमाणे पेट्रोलिंग करत होते. यादरम्यान सायंकाळी पोलिसांना त्यांच्या खास मुखबिराकडून अत्यंत खात्रीशीर माहिती मिळाली की, भद्रावती येथील नाग मंदिर मार्गावरील शिवाजी नगर येथे राहणारा सोनल दशरथ महाकुळकर (वय २० वर्ष, धंदा-मजुरी) हा तरुण आपल्या राहत्या घरी अवैध गांजा बाळगून त्याची गुपचूप विक्री करत आहे. माहितीचे गांभीर्य ओळखून पोलीस पथकाने तात्काळ वरिष्ठांना या घटनेची कल्पना दिली आणि पंचांसह वजन काटा मापारी व फोटोग्राफरला सोबत घेऊन संशयित आरोपीच्या घराच्या दिशेने कूच केली.
पोलिसांनी नाग मंदिर मार्गावरील शिवाजी नगर येथील सोनल महाकुळकर याच्या घरावर अचानक छापा टाकून त्याची आणि घराची सखोल झडती घेणे सुरू केले. या झडतीदरम्यान पोलिसांना त्याच्या मालकीच्या हिरो होंडा सीडी डिलक्स मोटारसायकलच्या (क्रमांक MH 31 VS 9063) हँडलला लटकवलेली एक संशयास्पद पिशवी आढळून आली. पोलिसांनी सदर पिशवी उघडून तपासली असता, त्यात तब्बल ९०७ ग्रॅम वजनाची अमली गांजा सदृश्य वनस्पती मिळून आली. पोलिसांनी जागीच पंचनामा करून १३ हजार रुपये किमतीचा ९०७ ग्रॅम गांजा, ३० हजार रुपयांचा सॅमसंग कंपनीचा मोबाईल आणि गुन्ह्यात वापरलेली ६० हजार रुपये किमतीची हिरो होंडा दुचाकी, असा एकूण १ लाख ३ हजार रुपयांचा मुद्देमाल जप्त केला.
या प्रकरणी भद्रावती पोलीस ठाण्यात पोलीस उपनिरीक्षक संजय मिश्रा यांच्या फिर्यादीवरून आरोपी सोनल दशरथ महाकुळकर व त्याच्या इतर साथीदाराविरुद्ध अपराध क्रमांक ६८५/२०२६ नुसार एनडीपीएस (NDPS) कायद्याच्या कलम ८(क), २०(ब), ii (अ) अन्वये गुन्हा नोंदवून पुढील कसून तपास सुरू करण्यात आला आहे. सदरची धडाकेबाज कामगिरी चंद्रपूरचे पोलीस अधीक्षक आयुष नोपानी, अप्पर पोलीस अधीक्षक ईश्वर कातकडे, वरोरा विभागाचे उपविभागीय पोलीस अधिकारी संतोष बाकल यांच्या मार्गदर्शनात आणि भद्रावतीचे पोलीस निरीक्षक योगेश्वर पारधी यांच्या थेट नेतृत्वात गुन्हे शोध पथकातील सपोनि. विरेंद्र केदारे, सपोनि. संजय मिश्रा, पोउनि. संतोष केदार, पोउनि. गजानन तुपकर, सहाय्यक पोलीस उपनिरीक्षक महेंद्र बेसरकर, पोलीस हवालदार अनुप आस्तूनकर, गोपाल आतकुलवार, लेकेश नायडू, पोलीस अंमलदार खुशाल कावळे, योगेश घाटोळे, संतोष राठोड आणि महिला पोलीस अंमलदार रागिणी रायपुरे यांनी यशस्वीरित्या पार पाडली आहे.
प्रकाश हांडे हे News34.in चे संपादक असून चंद्रपूर, गडचिरोली व विदर्भातील राजकारण, गुन्हेगारी, सामाजिक आणि स्थानिक घडामोडींवर वृत्तांकन करतात. पत्रकारिता क्षेत्रातील अनेक वर्षांचा अनुभव असून ते डिजिटल न्यूज आणि तपास वृत्तांकनात सक्रिय आहेत.
