चंद्रपूर – Chandrapur ATS Raid अंतर्गत आज राज्यात विविध ठिकाणी एटीएसच्या पथकाने मोठे धाडसत्र सुरू केले आहे. यादरम्यान चंद्रपूर जिल्ह्यातील गोंडपिपरी तालुक्यात एका संशयित युवकाला एटीएसच्या पथकाने चौकशीसाठी ताब्यात घेतले होते. सोशल मीडियाच्या माध्यमातून हा विद्यार्थी आंतरराष्ट्रीय गँगस्टरच्या संपर्कात होता का, या दृष्टीने तपास करण्यात आला. या धडक कारवाईमुळे संपूर्ण विदर्भात प्रचंड खळबळ उडाली आहे. (तरुणाला टेलिग्रामवर मॅसेज आणि १८ लाख लंपास)
Chandrapur ATS Raid : नागपूर पथकाकडून गोंडपिपरीत मोठी चौकशी
पाकिस्तानातील पाकिस्तानी गँगस्टर शाहजाद भट्टी गँग आणि डोगर गँगशी संबंधित किंवा त्यांना फॉलो करणाऱ्या व्यक्तीबाबत नागपूरच्या एटीएस पथकाने चौकशी केली. गोंडपिपरी मध्ये सकाळी एटीएस चे पथक दाखल झाले, गोंडपिपरी मध्ये राहणाऱ्या युवकाची यावेळी चौकशी करण्यात आली.
सदर युवक हा गडचिरोली जिल्ह्यातील अहेरी तालुक्यातील निवासी असून तो गोडपिपरी मध्ये शिक्षणासाठी राहत होता, सोशल मीडियाच्या माध्यमातून विद्यार्थी हा गँगस्टर शहजाद भट्टी याच्या संपर्कात आहे का याची करण्यात कसून चौकशी करण्यात आली. मात्र एटीएस ला या विद्यार्थ्याबाबत कुठलीच संशयास्पद माहिती न मिळाल्यामुळे या विद्यार्थ्यांची चौकशी करून त्याला सोडण्यात आल्याची चंद्रपूर पोलिसांनी माहिती दिली आहे.
प्रकाश हांडे हे News34.in चे संपादक असून चंद्रपूर, गडचिरोली व विदर्भातील राजकारण, गुन्हेगारी, सामाजिक आणि स्थानिक घडामोडींवर वृत्तांकन करतात. पत्रकारिता क्षेत्रातील अनेक वर्षांचा अनुभव असून ते डिजिटल न्यूज आणि तपास वृत्तांकनात सक्रिय आहेत.
