गरीब विद्यार्थ्यांचे स्वप्न हिरावले! लोकवर्गणीतून घेतलेल्या सायकलींवर चोरट्यांचा डल्ला

राजुरा : Poor Students Bicycle Theft प्रकरणामुळे राजुरा शहरात संतापाची लाट उसळली आहे. जिल्हा परिषद हायस्कूलमध्ये गरीब विद्यार्थ्यांच्या शाळेत ये-जा करण्यासाठी लोकवर्गणीतून खरेदी करण्यात आलेल्या १० सायकली अज्ञात चोरट्याने लंपास केल्या. शाळा उन्हाळी सुट्टीमुळे बंद असल्याचा फायदा घेत ही चोरी करण्यात आली. या घटनेमुळे विद्यार्थी, पालक आणि शिक्षकांमध्ये नाराजी व्यक्त होत असून राजुरा पोलिसांनी अज्ञात आरोपीविरुद्ध गुन्हा दाखल केला आहे.

शाळेला असलेल्या उन्हाळी सुट्ट्यांचा गैरफायदा घेऊन अज्ञात चोराने जिल्हा परिषद हायस्कुलच्या खोलीचे कुलूप तोडून गरीब विद्यार्थ्यांसाठी लोकवर्गणीतून घेतलेल्या १० सायकली चोरून नेल्याची धक्कादायक घटना राजुरा शहरात उघडकीस आली आहे. याप्रकरणी हायस्कुलचे प्रभारी प्राचार्य किशोर लालाजी उईके यांच्या तक्रारीवरून राजुरा पोलिसांनी अज्ञात चोराविरुद्ध गुन्हा दाखल केला आहे. (चंद्रपूर जिल्ह्यातील ३ अल्पवयीन मुले बेपत्ता)

घटना कधी आणि कुठे झाली?

ही चोरीची घटना राजुरा येथील जिल्हा परिषद हायस्कुलच्या नवीन इमारतीमधील एका खोलीत घडली. गुन्ह्याच्या नोंदीनुसार, दिनांक २५ मे २०२६ रोजी सायंकाळी ५:०० वाजेपासून ते ११ जून २०२६ रोजी सायंकाळी ६:०० वाजेच्या दरम्यान म्हणजेच शाळा सुट्ट्यांमुळे बंद असलेल्या मधल्या दिवसांत अज्ञात चोराने ही धाडसी घरफोडी केली.

Poor Students Bicycle Theft मुळे राजुरात संताप

जिल्हा परिषद हायस्कुल येथे प्रभारी प्राचार्य म्हणून कार्यरत असलेले किशोर उईके (वय ५५ वर्षे, रा. आंबेडकर वार्ड, राजुरा) हे गेल्या १५ दिवसांपासून जनगणनेच्या शासकीय कामात व्यस्त असल्याने शाळेत जाऊ शकले नव्हते. दरम्यान, आगामी शैक्षणिक सत्रासाठी शाळा पुन्हा सुरू होत असल्याने, ११ जून २०२६ रोजी सायंकाळी ६:०० वाजताच्या सुमारास प्राचार्य किशोर उईके आणि सहशिक्षक सपन खरतळे हे शाळेची पाहणी करण्यासाठी गेले होते.

दोघेही जेव्हा शाळेच्या नवीन इमारतीजवळ पोहोचले, तेव्हा त्यांना इमारतीमधील एका खोलीच्या दरवाजाचे कुलूप तुटलेल्या अवस्थेत दिसले. संशय आल्याने त्यांनी आत जाऊन पाहिले असता, खोलीत साठवून ठेवलेल्या विद्यार्थ्यांच्या सर्व सायकली गायब असल्याचे त्यांच्या निदर्शनास आले.

लोकवर्गणीतून घेतलेल्या सायकलींवर डल्ला

चोरीला गेलेल्या या सायकली गरीब आणि पात्र विद्यार्थ्यांना शाळेत ये-जा करण्यासाठी सन २०२१ मध्ये तत्कालीन मुख्याध्यापक एम. एस. राऊत यांनी लोकवर्गणीच्या माध्यमातून जमा झालेल्या निधीतून खरेदी केल्या होत्या. आधी या सायकली शाळेच्या जुन्या इमारतीत ठेवण्यात आल्या होत्या, मात्र तेथे पाणी गळत असल्याने त्या सुरक्षिततेसाठी नवीन इमारतीच्या खोलीत कुलूप लावून ठेवण्यात आल्या होत्या. चोराने प्रत्येकी ३,००० रुपये किमतीच्या एकूण ३०,००० रुपये मूल्याच्या सर्व १० सायकली चोरून नेल्या आहेत.

राजुरा पोलिसांत गुन्हा दाखल

या चोरीप्रकरणी प्रभारी प्राचार्य किशोर लालाजी उईके यांनी १२ जून २०२६ रोजी संध्याकाळी ६:३० वाजता राजुरा पोलीस ठाण्यात रीतसर तोंडी रिपोर्ट दिली. तक्रारीच्या आधारे पोलिसांनी अज्ञात आरोपीविरुद्ध भारतीय न्याय संहिता (BNS) २०२३ च्या कलम ३०५, ३३१(३) आणि ३३१(४) अन्वये घरफोडी व चोरीचा गुन्हा (F.I.R. क्र. ०५४५) नोंदवला आहे. राजुरा पोलीस ठाण्याचे ठाणे प्रभारी नितीनकुमार अजाबराव चिंचोलकर यांच्या मार्गदर्शनात पोलीस हवालदार विकी राजकुमार निर्वाण (बकल नंबर ३६३) या प्रकरणाचा सखोल तपास करीत आहेत.