बसमध्ये चढताना महिला शेतकऱ्याची सोन्याची पोत चोरीला; अज्ञातावर गुन्हा दाखल

शेगाव – Gold Chain Theft ची घटना वरोरा तालुक्यातील शेगाव बुद्रुक येथे समोर आली आहे. फिर्यादीनुसार १२ नोव्हेंबर २०२६ रोजी दुपारी बसमध्ये चढताना एका महिला शेतकऱ्याची सोन्याची पोत चोरीला गेली. याप्रकरणी शेगाव पोलीस ठाण्यात अज्ञाताविरुद्ध भारतीय न्याय संहितेच्या कलम ३०३(२) अन्वये गुन्हा दाखल झाला आहे. फिर्यादीच्या अंदाजानुसार पोतीची किंमत सुमारे ५० हजार रुपये आहे. पोलीस उपनिरीक्षक पुढील तपास करत आहेत. (मोबाईल रिसेट झाला आणि पैसे गायब)

शेगाव बुद्रुक बस स्टॉपवर नेमके काय घडले? Gold Chain Theft

चंद्रपूर जिल्ह्यातील वरोरा तालुक्यातील शेगाव बुद्रुक येथे बाजारात खरेदीसाठी आलेल्या एका महिला शेतकरी महिलेच्या गळ्यातील सोन्याची पोत गर्दीचा फायदा घेऊन चोरट्यांनी लांबवल्याची घटना उघडकीस आली आहे. याप्रकरणी शेगाव पोलीस ठाण्यात भारतीय न्याय संहिता (बीएनएस) २०२३ च्या कलम ३०३(२) अन्वये अज्ञात चोराविराधात गुन्हा दाखल करण्यात आला असून, या घटनेमुळे बाजार परिसरात महिलांच्या सुरक्षेचा प्रश्न पुन्हा एकदा ऐरणीवर आला आहे.

प्राप्त माहितीनुसार, वडगाव (आब) येथील ५३ वर्षीय महिला शेतकरी रेखा दिलीप आवारी या १२ नोव्हेंबर २०२६ रोजी सकाळी आपल्या ननंदेसोबत उमरी येथून बसने शेगाव बुद्रुक येथे बाजारातील खरेदीसाठी आल्या होत्या. बाजारातील आवश्यक कामकाज व खरेदी आटोपल्यानंतर दोघीही महिला दुपारी दोन वाजण्याच्या सुमारास शेगाव बुद्रुक येथील बस स्टॉपवरील अभिजित हॉटेलसमोर असलेल्या खुर्चीवर बसून परतीच्या प्रवासासाठी बसची वाट पाहत थांबल्या होत्या. त्या वेळी फिर्यादी महिलेच्या गळ्यात सोन्याची पोत होती. यादरम्यान दुपारी तीन वाजण्याच्या सुमारास वरोरा ते येरखेडा जाणारी बस तिथे आल्याने रेखा आवारी व त्यांची ननद दोघीही बसमध्ये चढण्यासाठी पुढे सरसावल्या.

चोरीला गेलेल्या सोन्याच्या पोतीचे वर्णन आणि अंदाजे किंमत, Gold Chain Theft

बसमध्ये चढणाऱ्या प्रवाशांची मोठी गर्दी जमली होती, याच गर्दीचा आणि गोंधळाचा गैरफायदा अज्ञात चोरांनी घेतला. गर्दीतून बसमध्ये चढून काही अंतर पुढे गेल्यानंतर बसमधील एका महिलेने सीटवर बसून आपली पोत नीट करण्यासाठी गळ्याला हात लावला, तेव्हा तिच्या गळ्यातील सोन्याची पोत गायब असल्याचे लक्षात आले. भेंडाळा फाट्याजवळ आल्यावर फिर्यादी महिलेची पोत चोरीला गेल्याचे स्पष्ट झाले. बसमध्ये चढत असताना दुपारी तीन ते साडेतीन वाजण्याच्या दरम्यान ही चोरी झाली असून, चोरांनी दोन वर्षांपूर्वी खरेदी केलेली दोन डोरले, त्याला लागून चार मणी आणि इतर ३० ते ४० सोन्याचे व काळे मणी असलेली, अंदाजे १० ग्रॅम वजनाची आणि ५० हजार रुपये किमतीची सोन्याची पोत लांबवली.

पुढील तपास सुरु, Gold Chain Theft

याप्रकरणी फिर्यादी महिलेने तात्काळ शेगाव पोलीस ठाण्यात येऊन घडलेल्या प्रकाराची माहिती दिली. पोलिसांनी तोंडी रिपोर्टच्या आधारे अज्ञात आरोपीविरुद्ध चोरीचा गुन्हा नोंदवला असून, पुढील तपास पोलीस उपनिरीक्षक दिलीप अजिबरातो पोले हे करत आहेत. दिवसाटढवळ्या गर्दीच्या ठिकाणी झालेल्या या चोरीच्या सत्रामुळे परिसरातील नागरिकांमध्ये आणि महिला वर्गात भीतीचे व संतापाचे वातावरण निर्माण झाले आहे.