चंद्रपूर : Chandrapur Vitthal Mandir Ward Development अंतर्गत नागरिकांच्या अनेक वर्षांच्या प्रलंबित समस्या आता मार्गी लागत आहेत. राधा प्रफुल पुलगमकर यांच्या सततच्या पाठपुराव्याला खासदार प्रतिभा धानोरकर यांनी खंबीर साथ दिली आहे. या संयुक्त पुढाकारातून प्रभागातील विविध विकासकामांना मंजुरी मिळाली आहे. या सर्व कामांचा भूमिपूजन सोहळा दिनांक १९ जुलै २०२६ रोजी उत्साहात पार पडला.
विठ्ठल मंदिर प्रभागातील नागरिकांच्या प्रलंबित मागण्या आणि स्थानिक समस्या लक्षात घेता, राधा प्रफुल पुलगमकर यांनी केलेल्या विशेष मागणीला व सततच्या पाठपुराव्याला खासदार प्रतिभा धानोरकर यांनी खंबीर साथ दिली आहे. त्यांच्या या संयुक्त पुढाकारातून प्रभागातील विविध जनहितार्थ विकासकामांना मंजुरी मिळाली.
या विशेष निधीच्या माध्यमातून प्रभागातील विविध भागांत महत्वपूर्ण कामे केली जाणार आहेत, ज्यामध्ये प्रामुख्याने गणपती मंदिर परिसराचे सौंदर्यीकरण करणे, आनंद नगर येथील हनुमान मंदिराजवळील नालीवरील स्लॅबचे काम पूर्ण करणे तसेच हिवरपुरी येथील हनुमान मंदिर परिसर, बजरंग चौक आणि गोपालपुरी चौक या तीनही प्रमुख ठिकाणी नागरिकांच्या सुरक्षेसाठी हायमास्ट लाईट लावण्याच्या कामांचा समावेश आहे. यासोबतच विठ्ठल मंदिर परिसरात पर्यावरणाचा समतोल राखण्यासाठी विविध ठिकाणी व्यापक स्तरावर वृक्षारोपण देखील केले जाणार असून यामुळे प्रभागाचा चेहरामोहरा बदलण्यास मदत होणार आहे.
या भव्य भूमिपूजन सोहळ्याप्रसंगी अविनाश बुरडकर, रामूजीं वाढरे, अतुल ठाकरे, सौरभ ठोंबरे, अजय माळोडे, सचिन शिवणकर, किशोर घुमडे, निमेश मानकर, डॉ. धर्मा गावंडे, राजू कोहपरे, मनोज शेरकी, नंदा शेरकी, शंकर दुपारे तसेच परिसरातील नागरिक, महिला भगिनी, काँग्रेस पक्षाचे वरिष्ठ पदाधिकारी आणि कार्यकर्ते मोठ्या संख्येने उपस्थित होते. लोकप्रतिनिधी आणि स्थानिक पदाधिकाऱ्यांच्या या मजबूत व सकारात्मक समन्वयामुळे प्रभागातील अनेक वर्षांचे प्रलंबित प्रश्न आता प्रत्यक्ष रित्या मार्गी लागत असल्याने स्थानिक नागरिकांमध्ये अत्यंत आनंदाचे व समाधानाचे वातावरण निर्माण झाले आहे.
प्रकाश हांडे हे News34.in चे संपादक असून चंद्रपूर, गडचिरोली व विदर्भातील राजकारण, गुन्हेगारी, सामाजिक आणि स्थानिक घडामोडींवर वृत्तांकन करतात. पत्रकारिता क्षेत्रातील अनेक वर्षांचा अनुभव असून ते डिजिटल न्यूज आणि तपास वृत्तांकनात सक्रिय आहेत.
