चंद्रपूर : नागपूर पदवीधर मतदारसंघ निवडणूक कार्यक्रम भारत निवडणूक आयोगाने जाहीर केला आहे. या निवडणुकीसाठी २३ ऑक्टोबर २०२६ रोजी मतदान होणार आहे. नागपूर विभागातील जिल्ह्यांत आदर्श आचारसंहिता लागू झाली आहे.
चंद्रपूर जिल्ह्यात सर्व संबंधित विभागांनी आचारसंहितेचे गांभीर्याने पालन करावे, असे निर्देश जिल्हाधिकारी वसुमना पंत यांनी दिले. नोडल अधिकाऱ्यांच्या आढावा बैठकीत त्या बोलत होत्या. मतमोजणी २७ ऑक्टोबरला होणार आहे. (महिलांसाठी ग्रामसमृद्धी पोर्टल सुरु, वाचा बातमी)
नागपूर पदवीधर मतदारसंघ निवडणूक: चंद्रपूर जिल्ह्यात आचारसंहिता लागू
महाराष्ट्र विधान परिषदेच्या नागपूर पदवीधर मतदारसंघांच्या द्वैवार्षिक निवडणुकीचा कार्यक्रम भारत निवडणूक आयोगाने जाहीर केला आहे. त्यानुसार नागपूर पदवीधर मतदारसंघासाठी 23 ऑक्टोबर 2026 रोजी मतदान होणार असून नागपूर विभागातील जिल्ह्यांमध्ये आदर्श आचारसंहिता लागू झाली आहे. सर्व संबंधित विभागांनी आदर्श आचारसंहितेचे गांभिर्याने पालन करावे, असे निर्देश जिल्हाधिकारी वसुमना पंत यांनी दिले आहे.
जिल्हाधिकारी वसुमना पंत यांनी कोणते निर्देश दिले?
जिल्हाधिकारी कार्यालय येथे नोडल अधिका-यांचा आढावा घेतांना त्या बोलत होत्या. पुढे जिल्हाधिकारी म्हणाल्या, निवडणुकांमध्ये सर्व संबंधित विभागांना देण्यात आलेली जबाबदारी अतिशय काळजीपूर्वक आणि गांभिर्याने पार पाडणे अपेक्षित असते. यात कोणतीही चूक होता कामा नये. आदर्श आचारसंहितेचा भंग होणार नाही, याची दक्षता सर्वांनी घ्यावी. आचारसंहितेमधून दुष्काळी उपाययोजना, नुकसानीचे पंचनामे यांना सूट देण्यात आली आहे. त्यामुळे पंचनामे थांबवू नये. जिल्ह्याच्या सीमेवर एसएसटी/एफएसटी आदी पथकांची नियुक्ती करावी. आतापासूनच मतदान केंद्राची तपासणी करून किरकोळ दुरुस्ती असल्यास करून घ्यावी, अशा सुचना त्यांनी दिल्या.
बैठकीला मनपा आयुक्त अकुनुरी नरेश, अपर पोलिस अधिक्षक ईश्वर कातकडे, उपजिल्हा निवडणूक अधिकारी संजीव देशमुख, निवासी उपजिल्हाधिकारी दगडू कुंभार, उपजिल्हाधिकारी संजय पवार, शुभम दांडेकर, नगर पालिका प्रशासन अधिकारी डॉ. विद्या गायकवाड यांच्यासह दूरदृष्यप्रणालीद्वारे सर्व उपविभागीय अधिकारी आणि तहसीलदार उपस्थित होते.
असा आहे निवडणूक कार्यक्रम : 29 सप्टेंबर 2026 रोजी निवडणुकीची अधिसूचना प्रसिद्ध करण्यात येईल. उमेदवारी अर्ज दाखल करण्याची अंतिम तारीख 6 ऑक्टोबर असून, 7 ऑक्टोबर रोजी उमेदवारी अर्जांची छाननी करण्यात येईल. उमेदवारी अर्ज मागे घेण्याची अंतिम तारीख 9 ऑक्टोबर आहे. 23 ऑक्टोबर रोजी मतदान झाल्यानंतर 27 ऑक्टोबर रोजी मतमोजणी करण्यात येणार आहे. संपूर्ण निवडणूक प्रक्रिया 31 ऑक्टोबर २०२६ पूर्वी पूर्ण करण्यात येणार आहे.
प्रकाश हांडे हे News34.in चे संपादक असून चंद्रपूर, गडचिरोली व विदर्भातील राजकारण, गुन्हेगारी, सामाजिक आणि स्थानिक घडामोडींवर वृत्तांकन करतात. पत्रकारिता क्षेत्रातील अनेक वर्षांचा अनुभव असून ते डिजिटल न्यूज आणि तपास वृत्तांकनात सक्रिय आहेत.
