चंद्रपुरात बावनकुळेंकडून जोरगेवारांचे कौतुक; वर्ष २०२९ चंद्रपूर विधानसभेचा उमेदवार कोण?

चंद्रपूर : किशोर जोरगेवार उमेदवारी या मुद्द्यावर चंद्रपूरच्या भाजपमध्ये चर्चा सुरू आहे. महसूलमंत्री चंद्रशेखर बावनकुळे यांनी बुधवारी (१९ ऑक्टोबरला) महेश भवन येथे आमदार जोरगेवार यांचे जाहीर कौतुक केले.

चंद्रपूर विधानसभा मतदारसंघाच्या संभाव्य पुनर्रचनेच्या पार्श्वभूमीवर भाजपमधील आगामी उमेदवारीच्या चर्चांना आता नवे वळण मिळण्याची शक्यता निर्माण झाली आहे. मतदारसंघ खुला झाल्यास येथून निवडणूक लढविण्याची तयारी असल्याचे भाजप नेते सुधीर मुनगंटीवार यांनी यापूर्वी अनेकदा स्पष्ट केले आहे. दुसरीकडे, विद्यमान आमदार किशोर जोरगेवार यांनीही चंद्रपूरमधून पुन्हा निवडणूक लढविण्याची भूमिका मांडली आहे. त्यामुळे आगामी विधानसभा निवडणुकीत भाजपकडून उमेदवारी कोणाला मिळणार, याबाबत राजकीय वर्तुळात चर्चा सुरू असतानाच राज्याचे महसूलमंत्री चंद्रशेखर बावनकुळे यांनी केलेल्या एका वक्तव्याने या चर्चेला नवा आयाम मिळाला आहे. (पैसे काढण्यासाठी निर्मळ उज्वल सोसायटीवर दबावतंत्राचा वापर, वाचा हि बातमी)

किशोर जोरगेवार उमेदवारी आणि २०२९ च्या उल्लेखाचा अर्थ

नागपूर विभाग पदवीधर मतदारसंघाचे भाजप-महायुतीचे उमेदवार सुधाकर कोहळे यांच्या प्रचारार्थ बुधवारी २१ ऑक्टोबरला चंद्रपूरच्या महेश भवन येथे आयोजित पदवीधर संवाद मेळाव्यात बावनकुळे बोलत होते. यावेळी त्यांनी किशोर जोरगेवार यांच्या कार्याचे जाहीरपणे कौतुक केले. मुख्यमंत्र्यांची मध्यरात्रीही स्वाक्षरी घेऊन कामे मार्गी लावणारे आमदार म्हणून त्यांनी जोरगेवार यांचा उल्लेख केला. “ते कर्तृत्ववान आहेत, म्हणून आमदार आहेत,” अशा शब्दांत त्यांनी जोरगेवार यांच्या कार्यक्षमतेची प्रशंसा केली.

मात्र, बावनकुळे यांच्या भाषणातील सर्वाधिक राजकीय महत्त्व असलेले विधान म्हणजे २०२९ च्या निवडणुकीचा त्यांनी केलेला थेट उल्लेख. पदवीधर मतदारांनी सुधाकर कोहळे यांच्या विजयासाठी प्रयत्न करावेत, असे आवाहन करतानाच त्यांनी या निवडणुकीचा संबंध जोरगेवार यांच्या आगामी विधानसभा निवडणुकीशी जोडला. त्यामुळे हे वक्तव्य केवळ कौतुकापुरते मर्यादित नसून, आगामी राजकीय समीकरणांच्या दृष्टीने त्याकडे गांभीर्याने पाहिले जात आहे.

बावनकुळेंनी जोरगेवारांबद्दल काय म्हटले?

चंद्रपूर विधानसभा मतदारसंघाच्या पुनर्रचनेनंतर हा मतदारसंघ खुला झाल्यास निवडणूक लढविण्याची तयारी असल्याचे भाजप नेते सुधीर मुनगंटीवार यांनी यापूर्वी अनेकदा स्पष्ट केले आहे. त्यादृष्टीने त्यांनी चंद्रपूर मतदारसंघात राजकीय तयारी सुरू केल्याचेही दिसून येत आहे. दुसरीकडे, विद्यमान भाजप आमदार किशोर जोरगेवार यांनीही येथून पुन्हा निवडणूक लढविण्याची भूमिका स्पष्ट केली आहे. त्यामुळे आगामी उमेदवारीवरून भाजपमध्ये संभाव्य संघर्षाची चर्चा सुरू झाली होती.

या पार्श्वभूमीवर बावनकुळे यांनी जोरगेवार यांचे केलेले जाहीर कौतुक आणि २०२९ च्या निवडणुकीबाबत केलेले थेट विधान महत्त्वाचे ठरते. पक्षातील वरिष्ठ नेत्याने प्रचाराच्या व्यासपीठावरून आगामी विधानसभा निवडणुकीचा उल्लेख जोरगेवार यांच्या नावाशी जोडल्याने त्यांच्या राजकीय भूमिकेला बळ मिळाल्याचे मानले जात आहे. त्यामुळे बावनकुळे यांच्या विधानाकडे चंद्रपूर भाजपमधील आगामी नेतृत्व आणि उमेदवारीच्या चर्चेतील महत्त्वाचा राजकीय संकेत म्हणून पाहिले जात आहे.
पदवीधर निवडणुकीच्या प्रचारसभेतून आगामी विधानसभा निवडणुकीचा संदर्भ देत जोरगेवार यांच्या नावाचा केलेला उल्लेख चंद्रपूरच्या राजकीय चर्चेच्या केंद्रस्थानी आला आहे. आता या विधानाचे भाजपच्या स्थानिक राजकारणात काय पडसाद उमटतात आणि मुनगंटीवार यांच्या भूमिकेशी त्याची सांगड कशी घातली जाते, याकडे सर्वांचे लक्ष लागले आहे.

आमदार किशोर जोरगेवार यांच्याकडे निवडणूक लढविण्याचा दांडगा अनुभव असून, अपक्ष म्हणून निवडणूक लढविताना त्यांनी देशातील सर्वाधिक मतांनी मिळविलेला विजय त्यांच्या राजकीय प्रवासातील महत्त्वाचा टप्पा मानला जातो. त्यानंतर भारतीय जनता पक्षाच्या तिकिटावरही त्यांनी विजय मिळवत मतदारसंघातील आपले राजकीय स्थान अधिक मजबूत केले. या काळात मुख्यमंत्री देवेंद्र फडणवीस यांच्याशी त्यांची जवळीक निर्माण झाली. त्यांच्या नेतृत्वाखाली लढविण्यात आलेल्या स्थानिक निवडणुकांमध्येही भाजपला यश मिळवून देण्यात त्यांनी महत्त्वाची भूमिका बजावल्याचे बोलले जाते. निवडणुकीचा अनुभव, मतदारांशी असलेला संपर्क, पक्षसंघटनेवरील पकड आणि वरिष्ठ नेतृत्वाशी असलेले संबंध या जोरगेवार यांच्या जमेच्या बाजू मानल्या जात आहेत.