चंद्रपुरात अभिजित वंजारी यांची प्रचारसभा; वडेट्टीवार यांची सत्ताधाऱ्यांवर टीका, धानोरकर यांचा प्रलोभनांचा आरोप

चंद्रपूर – अभिजित वंजारी प्रचारसभा चंद्रपूर येथील जिजाऊ सभागृहात महाविकास आघाडीतर्फे आयोजित करण्यात आली. नागपूर पदवीधर मतदारसंघाचे उमेदवार ॲड. अभिजित वंजारी यांच्या प्रचारासाठी ही सभा झाली. आ. विजय वडेट्टीवार यांनी सत्ताधाऱ्यांच्या कार्यपद्धतीवर टीका केली. खा. प्रतिभा धानोरकर यांनी मतदारांना प्रलोभने दिली जात असल्याचा आरोप केला. मतदान २३ ऑक्टोबर रोजी आहे. (धारिवाल इन्फ्रास्ट्रक्चर तर्फे मोफत चष्मे वाटप, वाचा हि बातमी)

नागपूर पदवीधर मतदारसंघाच्या निवडणुकीच्या पार्श्वभूमीवर राजकीय वातावरण तापू लागले असून, महाविकास आघाडीचे उमेदवार ॲड. अभिजित वंजारी यांच्या प्रचारार्थ चंद्रपूर येथील जिजाऊ सभागृहात प्रचारसभेचे आयोजन करण्यात आले. या सभेत विधिमंडळ पक्षनेते आ. विजय वडेट्टीवार यांनी सत्ताधाऱ्यांच्या कार्यपद्धतीवर जोरदार टीका करत ही लढाई केवळ निवडणुकीपुरती मर्यादित नसून, सत्तेच्या मनमानीविरोधात जनतेच्या मनातील आक्रोश व्यक्त करणारी लढाई असल्याचे प्रतिपादन केले. यावेळी खासदार प्रतिभा धानोरकर यांनीही सत्ताधाऱ्यांकडून मतदारांना विविध प्रलोभने दिली जात असल्याचा आरोप केला.

महाविकास आघाडीचे उमेदवार ॲड. अभिजित वंजारी यांच्या प्रचारासाठी आयोजित सभेस चंद्रपूर लोकसभा क्षेत्राच्या खासदार प्रतिभा धानोरकर शिक्षक आमदार सुधाकर अडबाले, चंद्रपूर शहर जिल्हाध्यक्ष शिवा राव, काँग्रेस नेते आरिफ बेग विनायक बांगडे सुभाष गौर, अनिल शिंदे, विनोद दत्तात्रय, अरुण धोटे राजेश अडूर ,सचिन कत्याल, चंदा वैरागडे, कुंदा जेणेकर प्रामुख्याने मंचावर उपस्थित होते.

वडेट्टीवार यांची सत्ताधाऱ्यांवर टीका

यावेळी बोलताना विधिमंडळ पक्षनेते आ. विजय वडेट्टीवार म्हणाले की, शेतकऱ्यांचे प्रश्न,पदवीधर मतदारांचे प्रश्न, लोकशाही मूल्यांचे रक्षण, सत्ताधाऱ्यांच्या धोरणांवरील टीका आणि आगामी निवडणुकीचे महत्त्व या विषयांवर नेत्यांनी आपली भूमिका मांडली. सभेच्या माध्यमातून पदवीधर मतदारांपर्यंत महाविकास आघाडीची भूमिका पोहोचविण्याचा प्रयत्न करण्यात आला. विधिमंडळ पक्षनेते आ. विजय वडेट्टीवार यांनी सत्ताधाऱ्यांच्या कार्यपद्धतीवर प्रश्न उपस्थित करत लोकशाहीमध्ये जनतेचा आवाज सर्वाधिक महत्त्वाचा असल्याचे सांगितले. सत्तेचा वापर जनतेच्या कल्याणासाठी होणे अपेक्षित असताना, सत्तेच्या बळावर विरोधकांचा आवाज दाबण्याचा प्रयत्न होत असल्याची टीका त्यांनी केली. अभिजीत वंजारी हे पदवीधर बेरोजगार व सर्वसामान्यांचे प्रश्न मांडणारे सर्वोत्कृष्ट पाच आमदारांपैकी एक आहेत. त्यांची सभागृहातील हिरिरी ही व्याख्याने जोगी आहे. सत्ताधारी हे रामाचे नाव घेऊन रावणालाही लाजवणारे आहेत.

“ही हुकूमशाही सत्ताधाऱ्यांविरोधातील आक्रोशाची लढाई आहे,” असे म्हणत आ. वडेट्टीवार यांनी पदवीधर मतदारसंघाच्या निवडणुकीला व्यापक राजकीय संदर्भ दिला. जनतेच्या प्रश्नांवर आवाज उठविणे, सरकारच्या धोरणांना जाब विचारणे आणि लोकशाहीतील विरोधी विचारांचे महत्त्व कायम राखणे आवश्यक असल्याची भूमिका त्यांनी मांडली.

पदवीधर मतदार हा सुशिक्षित, जागरूक आणि सामाजिक प्रश्नांची जाण असलेला घटक आहे. त्यामुळे या निवडणुकीत शिक्षण, रोजगार, महागाई आणि सर्वसामान्यांच्या प्रश्नांवर चर्चा होणे गरजेचे असल्याचे त्यांनी अधोरेखित केले.

 *“मतदारांना प्रलोभने देण्याचा प्रयत्न” — खा. प्रतिभा धानोरकर* 

खासदार प्रतिभा धानोरकर यांनी आपल्या भाषणात सत्ताधाऱ्यांच्या निवडणूकविषयक भूमिकेवर टीका केली. सत्ताधाऱ्यांकडून मतदारांना विविध प्रलोभने दिली जात असल्याचा आरोप त्यांनी केला. निवडणुका या लोकशाही प्रक्रियेचा महत्त्वाचा भाग असून, मतदारांनी कोणत्याही प्रलोभनाला बळी न पडता उमेदवाराची भूमिका, कामगिरी आणि जनतेच्या प्रश्नांबाबतची बांधिलकी विचारात घ्यावी, असा आशय त्यांनी मांडला.

मतदारांचा विश्वास हा लोकशाहीचा पाया आहे. त्यामुळे निवडणुकीत मतदारांच्या प्रश्नांना आणि अपेक्षांना महत्त्व मिळाले पाहिजे, असे सांगत त्यांनी पदवीधर मतदारसंघाच्या निवडणुकीतील राजकीय घडामोडींवर भाष्य केले. नागपूर पदवीधर मतदारसंघाच्या निवडणुकीत महाविकास आघाडीचे उमेदवार ॲड. अभिजित वंजारी यांच्या प्रचारासाठी आयोजित सभेत आघाडीच्या नेत्यांनी आपापली भूमिका मांडली. पदवीधरांचे प्रश्न प्रभावीपणे मांडणे, शिक्षण क्षेत्रातील आव्हानांकडे लक्ष वेधणे आणि लोकशाही मूल्यांचे संरक्षण या मुद्द्यांवर प्रचारात भर देण्यात येत आहे.