Bear Entered House Chandrapur : सावली २७ सप्टेंबर २०२५- चंद्रपूर वनविभाग अंतर्गत सावली वनपरिक्षेत्रातील उपवनक्षेत्र व्याहाड, नियतक्षेत्र गायडोंगरी येथील मौजा विरखल चक च्या शेतशिवार आणि गाव शिवारात मागील चार-पाच दिवसांपासून वन्यप्राणी अस्वलाचे अस्तित्व गावकऱ्यांच्या निदर्शनास येत होते. याची माहिती मिळताच वनविभागाने तातडीने कार्यवाही सुरू केली होती.
ताडोब्यातील पर्यटन सेवेत वाढ करा - आमदार सुधीर मुनगंटीवार
गेल्या चार ते पाच दिवसांपासून नियत क्षेत्र वनरक्षक गायडोंगरी आणि PRT टीम निफंद्रा या अस्वलावर लक्ष ठेवून होत्या.
या घटनेची माहिती तातडीने वरिष्ठ वनाधिकाऱ्यांपर्यंत पोहोचवण्यात आली. विकास तरसे, सहाय्यक वनसंरक्षक चंद्रपूर वन विभाग, चंद्रपूर यांच्या मार्गदर्शनाखाली; विनोद धुर्वे, वनपरिक्षेत्र अधिकारी सावली यांच्या नेतृत्वाखाली; श्री घनश्याम नायगावकर, वनपरिक्षेत्र अधिकारी चंद्रपूर; कु. इंगळे, परिविक्षाधीन वनपरिक्षेत्र अधिकारी; डॉ. कुंदन पोडचेलवार, पशुधन विकास अधिकारी टीटीसी चंद्रपूर; आणि RRU टीम चंद्रपूर यांनी मिळून हे बचाव कार्य हाती घेतले.
अखेरीस, वनविभागाच्या या टीमने सदरच्या अस्वलास पिंजऱ्यात सुरक्षितपणे जेरबंद केले.
या यशस्वी ऑपरेशनमध्ये राखुंडे (क्षेत्र सहाय्यक व्याहाड), पाटील (क्षेत्र सहाय्यक पाथरी), एकनाथ खुडे (वनरक्षक गायडोंगरी), वनरक्षक भोला सोनेकर, अविनाश नाने, महादेव मुंडे, डांगे, कराड, सुषमा मेश्राम तसेच PRT निफंद्रा, गवरला, शिरसी आणि ईश्वर गंडाटे आणि इतर वन कर्मचारी व गावकऱ्यांनी मोलाचे सहकार्य केले.
जेरबंद केलेल्या या अस्वलास पुढील उपचाराकरिता TTC चंद्रपूर येथे हलविण्यात आले आहे. अस्वलाला पकडल्यामुळे विरखल चक च्या गावकऱ्यांनी सुटकेचा श्वास घेतला असून परिसरातील भीतीचे वातावरण दूर झाले आहे.
Leave a Comment