copper pipe theft in Chandrapur : चंद्रपूर शहरात चोरीचे वाढते प्रमाण हे डोकेदुखी बनली आहे, यावर नियंत्रण यावे यासाठी पोलीस अधीक्षक मुमक्का सुदर्शन यांनी स्थानिक गुन्हे शाखेला निर्देशित करीत चोरीच्या गुन्ह्यांचा उलगडा करण्यासाठी आदेशित केले.
स्थानिक गुन्हे शाखेचे पथक पेट्रोलिंग करीत असताना गोपनीय माहिती मिळाली कि रेकॉर्डवरील गुन्हेगाराने मोठ्या प्रमाणात कॉपर पाईप ची चोरी करीत सदर माल घरामागे लपून ठेवला आहे.
पोलिसांनी आरोपी २७ वर्षीय गोलू उर्फ सुमोहित चंद्रशेखर मेश्राम, १९ वर्षीय राहुल रतन रॉय, २१ वर्षीय सुंदरम संजय तिवारी व २९ वर्षीय कमलेश दादुभाई गुप्ता राहणार आरोपी अष्टभुजा व श्यामनगर यांना ताब्यात घेत चौकशी केली असता चोरीचा माल जप्त करण्यात आला. police solve copper theft case Chandrapur
सदर कॉपर पाईप हे चंद्रपुरातील निर्माणाधीन मेडिकल कॉलेज येथे सुरु असलेल्या बांधकाम येथील ऑक्सिजन आउटलेट कॉपर पाईप चोरी केल्याचे निष्पन्न झाले सदर गुन्ह्यात चोरी झालेला कॉपर पाईप व गुन्ह्यात वापरलेली दुचाकी असा एकूण १ लक्ष ७५ हजारांचा मुद्देमाल जप्त करण्यात आला.
सदरची यश्वी कारवाई पोलीस अधीक्षक मुमक्का सुदर्शन, अप्पर पोलीस अधीक्षक रीना जनबंधू यांच्या मार्गदर्शनाखाली पोलीस निरीक्षक अमोल काचोरे यांच्या नेतृत्वात पोलीस उपनिरीक्षक विनोद भुरले, मधुकर सामलवार, सुनील गौरकार, पोलीस कर्मचारी सुभाष गोहोकार, सतीश अवथरे, रजनीकांत पुठ्ठावार, दीपक डोंगरे, प्रशांत नागोसे, किशोर वाकाटे, शशांक बदामवार यांनी केली.
Leave a Comment