चंद्रपूर: Chandrapur Police Ganeshotsav बंदोबस्ताचा भाग म्हणून जिल्हा पोलीस दलाने सराईत गुन्हेगारांविरुद्ध व्यापक प्रतिबंधात्मक मोहीम राबवली आहे. गणेशोत्सव आणि विसर्जन मिरवणुका शांततेत पार पडाव्यात, हा यामागील उद्देश आहे.
Chandrapur Police Ganeshotsav मोहिमेत कोणावर आणि कोणती कारवाई?
६१५ सराईतांकडून चांगल्या वर्तणुकीचे बंधपत्र लिहून घेण्यात आले, तर ३९ गुन्हेगारांना जिल्ह्यातून तडीपार करण्यात आले. १,७६१ संशयितांवर मिनी तडीपारची, तर ४ कुख्यात गुन्हेगारांवर एमपीडीएअंतर्गत कारवाई झाली. तडीपारांवर लक्ष ठेवण्यासाठी एआय सर्व्हेलन्स सीसीटीव्ही व्हॅनचा वापर होत आहे. (ताडोब्यात रिसॉर्ट मालकाचा मृत्यू, वाचा हि धक्कादायक बातमी)
पोलीस अधीक्षक आयुष नोपानी आणि अपर पोलीस अधीक्षक ईश्वर कातकडे यांच्या मार्गदर्शनाखाली ही मोहीम राबवण्यात आली. नागरिकांनी संशयास्पद हालचाली दिसल्यास तात्काळ पोलिसांना कळवावे, असे आवाहन करण्यात आले आहे.
आगामी गणेशोत्सव आणि विसर्जन मिरवणुका संपूर्ण जिल्ह्यात शांततेत, सुरक्षित वातावरणात तसेच कायदा व सुव्यवस्थेचा कोणताही प्रश्न निर्माण न होता पार पडाव्यात, यासाठी चंद्रपूर जिल्हा पोलीस दलाने कंबर कसली आहे. सराईत गुन्हेगार आणि समाजकंटकांविरुद्ध व्यापक मोहीम उघडून पोलिसांनी धडक प्रतिबंधात्मक कारवाईचा बडगा उगारला आहे.
वारंवार गंभीर गुन्हे करून समाजात दहशत पसरवणाऱ्या ४ कुख्यात गुन्हेगारांवर ‘एमपीडीए’ (MPDA) कायद्यांतर्गत अत्यंत कडक कारवाई करत त्यांची थेट कारागृहात स्थानबद्धता करण्यात आली आहे. ही संपूर्ण धडक मोहीम पोलीस अधीक्षक श्री. आयुष नोपानी आणि अपर पोलीस अधीक्षक श्री. ईश्वर कातकडे यांच्या मार्गदर्शनाखाली जिल्ह्यातील सर्व उपविभागीय पोलीस अधिकारी, स्थानिक गुन्हे शाखा (LCB) पोलीस निरीक्षक तसेच सर्व पोलीस ठाण्यांच्या ठाणेदारांनी संयुक्तपणे यशस्वीरीत्या राबवली आहे.
तडीपार गुन्हेगारांवर एआय व्हॅनची नजर कशी असेल?
दरम्यान, हद्दपार केलेल्या सर्व तडीपार गुन्हेगारांना पोलीस प्रशासनाने अत्यंत कडक इशारा दिला आहे. उत्सव काळात तडीपार गुन्हेगारांवर बारीक लक्ष ठेवण्यासाठी चंद्रपूर पोलीस दलाच्या अत्याधुनिक ‘एआय (AI) सर्व्हेलन्स सीसीटीव्ही कॅमेरा व्हॅन’चा वापर केला जात आहे. या व्हॅनच्या फेशियल रेकग्निशन प्रणालीमध्ये तडीपार केलेल्या सर्व गुन्हेगारांचे फोटो आणि संपूर्ण माहिती नोंदवण्यात आली आहे. हद्दपारीचा कालावधी सुरू असताना कोणताही गुन्हेगार विनापरवाना चंद्रपूर जिल्ह्यात फिरताना किंवा प्रवेश करताना आढळल्यास, एआय व्हॅनचे कॅमेरे त्याला तत्काळ ओळखून पोलिसांना अलार्म देतील.
आदेशाचे उल्लंघन करून जिल्ह्यात घुसखोरी करणाऱ्यांवर तात्काळ नवीन गुन्हे दाखल करून कडक तुरुंगवासाची कारवाई केली जाईल, असा स्पष्ट इशारा पोलिसांनी दिला आहे. गणेशोत्सवादरम्यान कोणतीही अप्रिय घटना घडू नये यासाठी पोलीस दल पूर्णपणे सज्ज असून नागरिकांनी सर्व नियमांचे पालन करत सण उत्साहात व भक्तीभावाने साजरा करावा आणि कोणत्याही संशयास्पद हालचाली आढळल्यास तात्काळ पोलिसांना माहिती द्यावी, असे आवाहन पोलीस प्रशासनाकडून करण्यात आले आहे.
प्रकाश हांडे हे News34.in चे संपादक असून चंद्रपूर, गडचिरोली व विदर्भातील राजकारण, गुन्हेगारी, सामाजिक आणि स्थानिक घडामोडींवर वृत्तांकन करतात. पत्रकारिता क्षेत्रातील अनेक वर्षांचा अनुभव असून ते डिजिटल न्यूज आणि तपास वृत्तांकनात सक्रिय आहेत.
