मुकुटबन-गडचांदूर नवीन रेल्वेमार्गाला ४९३ कोटींची मंजुरी; उद्योगांची मालवाहतूक होणार जलद

चंद्रपूर : Mukutban Gadchandur Railway प्रकल्पासाठी भारतीय रेल्वेने ४९३ कोटी रुपयांच्या निधीला मंजुरी दिली आहे. यवतमाळ आणि चंद्रपूर जिल्ह्यांना जोडणारा हा नवीन मार्ग ३८.२१ किलोमीटर लांबीचा असेल. दक्षिण मध्य रेल्वेच्या कार्यक्षेत्रातील या प्रकल्पासाठी खासदार प्रतिभा धानोरकर यांनी पाठपुरावा केला होता. मुकुटबन आणि गडचांदूर परिसरातील सिमेंट उद्योग, कोळसा खाणी आणि चुनखडीच्या खाणींमधील मालवाहतूक यामुळे अधिक जलद व सुरक्षित होईल, असे अपेक्षित आहे. रेल्वे मंत्रालयाच्या प्रकल्प अहवालानुसार, मार्ग पूर्ण झाल्यावर दरवर्षी ६.०८ दशलक्ष टन मालवाहतूक होण्याचा अंदाज आहे. प्रकल्प पूर्ण झाल्यानंतर दोन्ही दिशेने प्रवासी गाड्या सुरू होतील, असे खासदार धानोरकर यांनी सांगितले. (नवे वीज वितरण केंद्र, वाचा हि महत्वाची बातमी)

Mukutban Gadchandur Railway: ४९३ कोटींना मंजुरी, ३८.२१ किमी नवा मार्ग

हा नवीन रेल्वेमार्ग उपलब्ध झाल्यामुळे प्रवासाचे अंतर, वेळ आणि वाहतुकीचा खर्च मोठ्या प्रमाणावर कमी होणार आहे. तसेच हा मार्ग वर्धा-माणिकगड रेल्वे विभागाला उत्तम पर्यायी मार्ग उपलब्ध करून देणार असल्याने सध्याच्या मार्गावरील वाहतुकीचा अतिरिक्त ताण कमी होईल. रेल्वे मंत्रालयाच्या सविस्तर प्रकल्प अहवालानुसार, प्रकल्प पूर्ण झाल्यानंतर या मार्गावरून दरवर्षी तब्बल ६.०८ दशलक्ष टन मालवाहतूक होण्याचा अंदाज आहे, ज्यामध्ये कोळसा, सिमेंट, स्पंज आयर्न, लोखंड, खते आणि अन्नधान्याचा समावेश असेल.

या रेल्वेमार्गामुळे कोळसा आणि सिमेंट उद्योगांना माजरी-नांदेड रेल्वेमार्गाशी थेट जोडणी मिळणार असून कच्च्या मालाची वाहतूक कमी अंतरातून करणे शक्य होईल. यामुळे बल्लारपूर-नागपूर या अत्यंत गर्दीच्या आणि उच्च घनता असलेल्या रेल्वेमार्गावरील अवलंबित्व कमी होण्यास मदत होणार आहे. परिणामी, यवतमाळ व चंद्रपूर जिल्ह्यातील तुलनेने कमी रेल्वे जोडणी असलेल्या ग्रामीण व औद्योगिक भागांचा विकास वेग घेईल.

खासदार प्रतिभा धानोरकर यांनी या मंजुरीबद्दल आनंद व्यक्त करत सांगितले की, ही मंजुरी गडचांदूरसह संपूर्ण परिसराच्या आर्थिक व औद्योगिक विकासासाठी महत्त्वाचा टप्पा ठरेल. या रेल्वेमार्गामुळे उद्योगांना मोठा फायदा तर होईलच, शिवाय प्रकल्प पूर्ण झाल्यानंतर दोन्ही दिशेने प्रवासी गाड्या सुरू होणार असल्याने स्थानिक नागरिकांच्या प्रवासाची सोय अधिक उत्तम आणि सोयीस्कर होईल.