Animal cruelty and illegal transport : गोंडपिपरी ८ नोव्हेम्बर (चंद्रपूर News३४): चंद्रपूर जिल्ह्यातील गोंडपिपरी पोलीस ठाण्याच्या हद्दीत मौजा करंजी येथे नाकाबंदी दरम्यान गोवंशीय जनावरांची कत्तलीसाठी अवैध वाहतूक करणाऱ्या वाहनावर मोठी कारवाई करण्यात आली आहे. पोलिसांनी या कारवाईत एकुण १२ गोवंश जनावरे आणि वाहतुकीसाठी वापरलेले पिकअप वाहन जप्त केले असून, ५,८५,०००/- रुपयांचा मुद्देमाल हस्तगत करण्यात आला आहे. मात्र, वाहन चालक अंधाराचा फायदा घेऊन पळून जाण्यात यशस्वी झाला आहे.
गोंडपिपरी पोलिसांना गोपनीय माहिती मिळाली होती की मौजा करंजी परिसरातून एका पिकअप वाहनातून अवैधरित्या गोवंशीय जनावरांची कत्तलीकरिता वाहतूक केली जाणार आहे. या माहितीच्या आधारावर पोलिसांनी तातडीने करंजी येथे नाकाबंदी केली.
नाकाबंदी दरम्यान एक संशयित पिकअप वाहन (क्र. MH34-BZ-6550) येताना दिसले. पोलिसांनी ते थांबवण्याचा इशारा केला असता, चालकाने न थांबता वाहन पुढे नेले. पोलिसांनी त्याचा पाठलाग केला. पाठलाग होत असल्याचे पाहून वाहनचालकाने दुबागुडाकडे जाणाऱ्या पाणंद रस्त्यावर आपले वाहन सोडून दिले आणि अंधाराचा फायदा घेत पळून गेला. police seizure illegal cattle transport
पोलिसांनी सोडून दिलेल्या वाहनाची तपासणी केली असता, त्यामध्ये गोवंशीय जातीचे एकूण १२ जनावरे दाटीवाटीने बांधून ठेवलेले आढळले. ही जनावरे कत्तलीकरिता घेऊन जात असल्याचे निष्पन्न झाले. जनावरांची पाहणी केली असता, त्यापैकी ४ जनावरे मरण पावलेली दिसून आली.
या कारवाईत जप्त करण्यात आलेला मुद्देमाल:
याप्रकरणी अज्ञात वाहन चालकाविरुद्ध गोंडपिपरी पोलीस ठाण्यात गुन्हा नोंदविण्यात आला असून, पोलीस त्याचा शोध घेत आहेत. Animal cruelty and illegal transport
सदरची यशस्वी कारवाई पोलीस अधीक्षक श्री मुम्मका सुदर्शन, अपर पोलीस अधीक्षक श्री ईश्वर कातकडे, उपविभागीय पोलीस अधिकारी (मूल) श्री सत्यजीत आमले यांच्या मार्गदर्शनाखाली करण्यात आली.
सहाय्यक पोलीस निरीक्षक श्री रमेश हत्तीगोटे यांच्या नेतृत्वात पोलीस उपनिरीक्षक खुशाल टेकाम, पोलीस कॉन्स्टेबल प्रविण कदम आणि पोलीस कॉन्स्टेबल गायकवाड यांनी ही कामगिरी पार पाडली.
Leave a Comment