रंगांचा सण की जुगाराचा डाव? ब्रम्हपुरीत पोलिसांनी उधळला 'या' बहाद्दरांचा रंग!

March 04, 2026 by Prakash Hande

Bramhapuri Gambling Raid : ब्रम्हपुरी - धुलीवंदनाच्या दिवशी नागरिक रंगपंचमीचा आनंद साजरा करीत असताना काही जुगार बहाद्दर एका शेतशिवारात ५२ तास पत्त्यांचा खेळ खेळत होते, पोलिसांना याबाबत माहिती मिळाली, जुगार अड्ड्यावर धाड टाकली असता ६ जणांना ताब्यात घेण्यात आले. यावेळी ३ हजार ९१० रुपयांचा मुद्देमाल जप्त करण्यात आला. (चंद्रपूरच्या रेती घाटावर भाजप नेत्याची हत्या)

 

 धुलीवंदनाच्या दिवशी एकीकडे नागरिक रंगाचा उत्सव साजरा करीत होते तर काही जुगाराच्या रंगात रंगले होते, पोलीस गस्तीवर निघाले असता त्यांना मौजा चौगान गावातील प्रल्हाद मालके यांच्या शेतशिवारात काही इसम जुगार खेळत असल्याची माहिती पोलिसांना मिळाली.

 

माहितीच्या आधारे पोलीस चौगान मध्ये पोहचले असता काही इसम मोकळ्या जागेवर ५२ पत्त्यांचा जुगार खेळत पैश्याची बाजी लावत होते, पोलिसांनी धाड मारली असता कारवाईच्या भीतीने काही जणांनी पळ काढला तर ३६ वर्षीय खेमराज अरुण अर्जनकर, भाविक लक्ष्मण चंडीमेश्राम, श्रावण शंकर मैंद, विनोद त्रंबक जनबंधू व दिनेश दशरथ तोंडरे यांना ताब्यात घेण्यात आले. आरोपी जुगार बहाद्दरांवर पोलिसांनी महाराष्ट्र जुगार कायदा कलम १२ (अ) अन्वये गुन्हा दाखल केला. 

   

Leave a Comment

+