Police action against illegal cattle transport : तळोधी ३१ ऑक्टोबर (चंद्रपूर): तळोधी पोलिसांनी केलेल्या एका महत्त्वपूर्ण कारवाईत, मौजा बाळापूर रेल्वे गेटजवळ गोवंश जनावरांची अवैध वाहतूक करणारा एक आयशर ट्रक जप्त करण्यात आला आहे. मात्र, पोलिसांना पाहताच ट्रकचा अज्ञात चालक वाहन रस्त्यावर उभे करून जंगलात पळून जाण्यात यशस्वी झाला. या प्रकरणी अज्ञात आरोपीविरुद्ध महाराष्ट्र प्राणी संरक्षण अधिनियम 1976 आणि प्राण्यांना निर्दयतेने वागविणे प्रतिबंध अधिनियम 1960 अंतर्गत गुन्हा दाखल करण्यात आला आहे. Animal cruelty prevention Maharashtra
Also Read : दाताला मध्ये भव्य बाबुराव शेडमाके क्रीडा संकुलसाठी मुनगंटीवार यांचा पुढाकार
दिनांक 31/10/2025 रोजी पहाटे 02:30 ते 03:30 वाजण्याच्या सुमारास, पोलीस स्टेशन तळोधीच्या हद्दीतील मौजा बाळापूर रेल्वे गेटजवळ पोलिसांनी पंचांसह नाकेबंदी केली होती. याच दरम्यान, मुकबिराकडून मिळालेल्या खात्रीशीर माहितीच्या आधारे पोलिसांनी केसरी रंगाच्या आयशर कंपनीच्या (क्र. TG 12 T 4077) ट्रकवर लक्ष केंद्रित केले.
पोलिसांना पाहताच, ट्रकचा अज्ञात चालक आपले वाहन रस्त्यावर उभे करून तातडीने जंगलात पळून गेला. पोलिसांनी आरोपीचा शोध घेतला, परंतु तो मिळून आला नाही.
पोलीस स्टाफने पंचांच्या समक्ष वाहनाची पाहणी केली असता, ट्रकमधील लोखंडी डाल्यात एकूण 30 नग गोवंश जनावरे आढळून आली, ज्यांची किंमत अंदाजे ₹ 2,45,000/- आहे.
यासोबतच, अवैध वाहतुकीसाठी वापरलेला केसरी रंगाचा जुना आयशर प्रो 1114 XP मॉडेलचा ट्रक (क्र. TG 12 T 4077) देखील जप्त करण्यात आला, ज्याची अंदाजे किंमत ₹ 10,00,000/- आहे.
या संपूर्ण कारवाईत पोलिसांनी एकूण ₹ 12,45,000/- किमतीचा मुद्देमाल जप्त केला आहे. पंचासमक्ष पंचनामा आणि जप्तीची कार्यवाही पूर्ण करून अज्ञात आरोपीविरुद्ध पोलीस स्टेशन तळोधी येथे गुन्हा क्र. 171/2025 दाखल करण्यात आला आहे. Illegal cattle transportation truck seizure
सदरची प्रभावी कारवाई मा. पोलीस अधीक्षक मुमक्का सुदर्शन, अपर पोलीस अधीक्षक ईश्वर कातकडे आणि उपविभागीय पोलीस अधिकारी ब्रम्हपुरी राकेश जाधव यांच्या मार्गदर्शनाखाली पार पडली.
पोलीस स्टेशन तळोधीचे ठाणेदार सपोनि राहुल गुहे यांच्या नेतृत्वात पोउपनि किशोर मानकर, पोहवा सचिन साखरकर (2488), पोअ अजय निखाडे (494) आणि चापोअ सोनल पोपटे (6036) यांनी ही कारवाई यशस्वी केली.
सध्या या गुन्ह्याचा पुढील तपास पोउपनि किशोर मानकर, पोलीस स्टेशन तळोधी हे करत आहेत. पळून गेलेल्या आरोपीचा शोध पोलीस घेत आहेत.
Leave a Comment