सावली (चंद्रपूर):Sawali Honeybee Attack News: चंद्रपूर जिल्ह्यातील सावली येथे स्थानिक तलावावर विसर्जनासाठी आलेल्या महिलांवर मधमाश्यांनी अचानक हल्ला चढवला. गौरी विसर्जन सोहळ्यादरम्यान मंगळवारी सकाळी ही धक्कादायक घटना घडली.
तलावाच्या पाळीवरील वडाच्या झाडावरून मधमाश्या उठल्यामुळे परिसरात मोठी धावपळ उडाली. या हल्ल्यात एकूण आठ भाविक महिला जखमी झाल्या आहेत. जखमींना तात्काळ सावली ग्रामीण रुग्णालयात हलवून उपचार करण्यात आले आहेत. (हे हि वाचा – चंद्रपुरात महसूल लोक अदालत)
सावली येथील स्थानिक तलावावर मंगळवारी सकाळी गौरी विसर्जनासाठी गेलेल्या भाविक महिलांवर मधमाश्यांनी अचानक हल्ला चढवल्याची धक्कादायक घटना घडली. या अनपेक्षित हल्ल्यात आठ महिला जखमी झाल्या असून, तलाव परिसरात काही काळ मोठी धावपळ आणि गोंधळाचे वातावरण निर्माण झाले होते.
वडाच्या झाडावरील मधमाश्यांचे मोहळ अचानक उठले
मिळालेल्या माहितीनुसार, मंगळवारी (दि. १५) सकाळी साडेआठ वाजताच्या सुमारास गौरी विसर्जनासाठी स्थानिक तलावावर महिलांची मोठी गर्दी जमली होती. तलावाच्या पाळीवर असलेल्या एका वडाच्या झाडावर मधमाश्यांचे मोठे मोहळ होते. महिलांची विसर्जनाची लगबग सुरू असतानाच अचानक मोहोळावरील मधमाश्या उठल्या आणि त्यांनी उपस्थित महिलांवर थेट हल्ला चढवला.
मधमाश्यांनी अचानक केलेल्या हल्ल्यामुळे उपस्थित महिलांमध्ये एकच घबराट पसरली. स्वतःचा बचाव करण्यासाठी महिलांची सैरावैरा पळापळ सुरू झाली. मधमाश्यांनी केलेल्या डंखांमुळे वर्षा सुरेश कोसरे, छाया संजय कोसरे, रूपाली सत्यवान कोसरे आणि शीतल अनिकेत कोसरे यांच्यासह अन्य चार महिला अशा एकूण आठ जणी जखमी झाल्या.
घटनेचे गांभीर्य लक्षात घेऊन जखमी महिलांना तातडीने सावली येथील ग्रामीण रुग्णालयात दाखल करण्यात आले. तेथे त्यांच्यावर तातडीने वैद्यकीय उपचार करण्यात आले असून, सध्या त्यांची प्रकृती स्थिर असल्याचे सांगण्यात आले आहे.
दरम्यान, मधमाश्यांच्या हल्ल्यामुळे उडालेल्या प्रचंड पळापळीत आणि गोंधळात रूपाली सत्यवान कोसरे यांच्या गळ्यातील सोन्याचा दागिना गहाळ झाला. धार्मिक उत्साहाच्या वातावरणात घडलेल्या या दुर्दैवी घटनेमुळे सावली परिसरात काही काळ भीतीचे आणि हळहळीचे वातावरण पसरले होते.
प्रकाश हांडे हे News34.in चे संपादक असून चंद्रपूर, गडचिरोली व विदर्भातील राजकारण, गुन्हेगारी, सामाजिक आणि स्थानिक घडामोडींवर वृत्तांकन करतात. पत्रकारिता क्षेत्रातील अनेक वर्षांचा अनुभव असून ते डिजिटल न्यूज आणि तपास वृत्तांकनात सक्रिय आहेत.
