News34 chandrapur
चंद्रपूर – चंद्रपूर शहरात धूम स्टाईल दुचाकी वाहन चालविणाऱ्या चालकाचा धुमाकूळ सतत वाढत आहे, याचा परिणाम 2 दिवसांपूर्वी झालेल्या अपघातात 8 वर्षीय बालकाला आपला जीव गमवावा लागला, सदर घटनेला 2 दिवस पूर्ण होत नाही तर पुन्हा दुचाकी अपघातात एका युवकांला आपला जीव गमवावा लागला आहे.
22 ऑक्टोबर ला शहरातील दाताला कडे जाणाऱ्या रामसेतू पुलाजवळ दुचाकीस्वार 2 युवक भरधाव वेगात वाहन चालवीत होते, रामसेतू पुलाच्या खाली उतरल्यावर एका वृद्धाला दुचाकीस्वारांनी जोरदार धडक दिली, तो वृद्ध इसम गंभीर जखमी झाला मात्र त्या युवकांमधील एकाला आपला जीव गमवावा लागला.
जिजाऊ लॉन च्या आधी असलेल्या डिव्हायडर ला त्या 2 युवकाची दुचाकी जोरदारपणे आदळली, यामध्ये एका युवकाचा जागीच मृत्यू झाला.
दोन्ही युवक हे चंद्रपुरातील लहुजी नगर निवासी असल्याची माहिती मिळाली आहे.
चंद्रपूर शहरात दुचाकी स्वरांनी अक्षरशः धुमाकूळ घातला आहे, मात्र यावर नियंत्रण करणारी वाहतूक शाखा जणू अनियंत्रित झाली की काय असा प्रश्न नागरिकांना पडला आहे.
19 ऑक्टोबर ला जिल्ह्याचे पालकमंत्री सुधीर मुनगंटीवार यांनी पोलीस प्रशासनाच्या आढावा वाढते अपघात कसे कमी करता येणार याकडे लक्ष देण्याची निर्देश दिले होते.
मात्र त्यांनतर सुद्धा शहरात अपघाताची जणू मालिका सुरू झाली असे चित्र निर्माण झाले आहे.
महामार्गावर होणारे अपघात अनियंत्रित आहे मात्र आता शहरात होणारे अपघात गंभीर समस्या बनली आहे.
विशेष म्हणजे चंद्रपूर वाहतूक शाखेत 2 पोलीस निरीक्षक आहे, त्यानंतरही सुद्धा शहरात दुचाकी स्वारांचा धुमाकूळ सुरूचं आहे, आता तरी वाहतूक शाखेने यावर तात्काळ तोडगा काढत अश्या अनियंत्रित दुचाकीस्वारांवर नियंत्रण घालावे अन्यथा भविष्यात शहरातील अपघात पोलिसांसमोर आव्हान उभं करतील हे निश्चितचं.
