भिसी / चंद्रपूर: Bhisi Illegal Liquor Seized कारवाईत स्थानिक गुन्हे शाखा चंद्रपूरच्या पथकाने उमरेड-भिसी मार्गावर एका कारमधून होणारी विदेशी दारूची मोठी तस्करी उघडकीस आणली आहे. जेबी हॉटेलजवळ नाकाबंदी करून पोलिसांनी आलिशान कार अडवली. कसून तपासणी केली असता कारमध्ये मोठ्या प्रमाणावर विदेशी दारूचा साठा आढळून आला. पोलिसांनी वाहनासह ७ लाख ५१ हजार ८५० रुपयांचा मुद्देमाल जप्त केला असून दोन आरोपींना अटक केली आहे. (हे हि वाचा – हद्दपारीचा आदेश धुडकावीत गुन्हेगाराची शहरात एंट्री)
उमरेड मार्गावर Bhisi Illegal Liquor Seized कारवाई कशी पार पडली?
स्थानिक गुन्हे शाखा (LCB) चंद्रपूरच्या पथकाने अवैध दारू तस्करांविरोधात मोठी मोहीम राबवत एका आलिशान कारमधून चालणाऱ्या विदेशी दारूच्या तस्करीचा पर्दाफाश केला आहे. उमरेड ते भिसी मार्गावरील जेबी हॉटेलजवळ सापळा रचून करण्यात आलेल्या या धडक कारवाईत पोलिसांनी कारसह तब्बल ७ लाख ५१ हजार ८५० रुपयांचा मुद्देमाल जप्त केला असून, या प्रकरणात दोन आरोपींना रंगेहात अटक करण्यात आली आहे, तर त्यांचा एक साथीदार अद्याप फरार आहे.
आलिशान कारमधून तब्बल २१९ विदेशी दारूच्या बाटल्या जप्त
मिळालेल्या गोपनीय माहितीच्या आधारे स्थानिक गुन्हे शाखेच्या पथकाला उमरेड-भिसी मार्गावरून एका चारचाकी वाहनातून मोठ्या प्रमाणावर विदेशी दारूची अवैध वाहतूक होणार असल्याची पक्की खबर मिळाली होती. या माहितीची खातरजमा करून पोलिसांनी तत्काळ भिसी पोलीस ठाण्याच्या हद्दीतील जेबी हॉटेल परिसरामध्ये नाकाबंदी करत पाळत ठेवली. काही वेळातच संशयित फोर्ड इकोस्पोर्ट (Ford Ecosport) कार क्रमांक GJ-15-CD-3292 वेगाने येताना दिसताच दबा धरून बसलेल्या पोलीस पथकाने गाडीला अडवले. पोलिसांनी गाडीची कसून तपासणी केली असता, कारच्या आतमध्ये अवैधरीत्या लपवून ठेवलेला विदेशी दारूचा मोठा साठा आढळून आला.
या कारवाईदरम्यान पथकाने २ लिटर क्षमतेच्या तब्बल २१९ नग ‘रॉयल स्टॅग क्लासिक व्हिस्की’च्या बाटल्या हस्तगत केल्या, ज्यांची बाजारभावानुसार एकूण किंमत अंदाजे २ लाख ५१ हजार ८५० रुपये इतकी आहे. यासोबतच दारूच्या चोरट्या वाहतुकीसाठी वापरण्यात आलेली सुमारे ५ लाख रुपये किमतीची फोर्ड इकोस्पोर्ट कार असा एकूण ७ लाख ५१ हजार ८५० रुपयांचा मुद्देमाल पोलिसांनी जप्त केला. पोलिसांनी घटनास्थळावरून मुकेश उर्फ मोनू मदनलाल विश्वकर्मा (वय ३१ वर्षे, रा. समतानगर, आंबेडकर बगीचा समोर, वर्धा) आणि आदर्श अशोक पाटील (वय २२ वर्षे, रा. तुकडोजी वार्ड, हिंगणघाट, जि. वर्धा) या दोघांना ताब्यात घेऊन अटक केली.
या प्रकरणाच्या प्राथमिक चौकशीत प्रशांत (रा. अहेरी, जि. गडचिरोली) या तिसऱ्या साथीदाराचे नाव निष्पन्न झाले असून तो सध्या फरार आहे. पोलीस त्याचा कसून शोध घेत आहेत. याप्रकरणी पकडण्यात आलेल्या आरोपींविरुद्ध भिसी पोलीस ठाण्यात महाराष्ट्र दारूबंदी कायद्याच्या कलम ६५(अ) आणि ८३ अन्वये गुन्हा दाखल करण्यात आला आहे. एलसीबी पथकाच्या या धडक कारवाईमुळे वर्धा ते चंद्रपूर-गडचिरोली पट्ट्यात सक्रिय असलेल्या अवैध दारू तस्करांचे धाबे दणाणले आहेत.
प्रकाश हांडे हे News34.in चे संपादक असून चंद्रपूर, गडचिरोली व विदर्भातील राजकारण, गुन्हेगारी, सामाजिक आणि स्थानिक घडामोडींवर वृत्तांकन करतात. पत्रकारिता क्षेत्रातील अनेक वर्षांचा अनुभव असून ते डिजिटल न्यूज आणि तपास वृत्तांकनात सक्रिय आहेत.
