चंद्रपूर: Chandrapur Beef Raid News संदर्भात मोठी माहिती समोर आली असून रामनगर पोलिसांनी एका घरावर धाड टाकून बेकायदेशीर गोमांस विक्रीचा पर्दाफाश केला आहे. या कारवाईत पोलिसांनी कत्तलीसाठी डांबून ठेवलेल्या तीन मुक्या जनावरांची सुखरूप सुटका केली.
पोलीस अधीक्षक आयुष नोपानी यांच्या आदेशानुसार ही धडक मोहीम राबवण्यात आली. पोलिसांनी घटनास्थळावरून गोमांसासह विक्रीचे साहित्य आणि जनावरे असा एकूण ९३ हजार ८०० रुपयांचा मुद्देमाल पंचांसमक्ष जप्त केला आहे. (हे हि वाचा – बुलेट चोरीला, राजुरा पोलिसांची वर्धा जिल्हात धडक)
चंद्रपूर शहरात अवैधपणे गोवंशांची कत्तल करून गोमांसाची विक्री करणाऱ्या एका घरावर रामनगर पोलिसांनी छापा टाकून मोठी कारवाई केली आहे. या कारवाईदरम्यान पोलिसांनी कत्तलीच्या उद्देशाने डांबून ठेवलेल्या तीन गोवंशांना जीवदान दिले असून, घटनास्थळावरून गोमांसासह एकूण ९३ हजार ८०० रुपये किमतीचा मुद्देमाल जप्त करण्यात आला आहे. या प्रकरणी आरोपीविरुद्ध रामनगर पोलीस ठाण्यात गुन्हा दाखल करण्यात आला आहे.
Chandrapur Beef Raid News: रय्यतवारी कॉलरीत गुप्त माहितीच्या आधारे कारवाई
चंद्रपूर शहर परिसरात अवैधपणे गोवंशाची कत्तल आणि गोमांस विक्री करणाऱ्या समाजकंटकांचा शोध घेऊन त्यांच्यावर कडक कारवाई करण्याचे स्पष्ट निर्देश पोलीस अधीक्षक आयुष नोपानी यांनी रामनगर पोलीस ठाण्याच्या प्रभारी अधिकारी प्रभावती एकुरके यांना दिले होते. त्यानुसार पोलीस निरीक्षक प्रभावती एकुरके यांनी शोध पथकातील अधिकारी व अंमलदारांना अशा अवैध धंद्यांची पाळेमुळे खणून काढण्याचे आदेश दिले. गुप्त माहिती गोळा करत असताना पोलिसांना अशी खबर मिळाली की, रय्यतवारी कॉलरी येथील डिस्पेन्सरी चौकात राहणारा अब्दुल गणी शेख ईस्माईल कुरेशी (वय ४९ वर्षे) याने आपल्या घरात कत्तलीसाठी गोवंशांना बेकायदेशीरपणे डांबून ठेवले असून तो घरातूनच गोमांसाची विक्री करत आहे.
दोन गायी आणि एका गोऱ्ह्याला जीवनदान; साहित्यासह मुद्देमाल जप्त
माहितीची खातरजमा झाल्यानंतर पोलीस पथकाने त्वरित कारवाईचे नियोजन केले. १८ सप्टेंबर रोजी पोलिसांनी पशुवैद्यकीय अधिकाऱ्यांना सोबत घेऊन पंचांसमक्ष संशयित आरोपी अब्दुल गणी कुरेशी याच्या घरावर अचानक छापा टाकला. यावेळी घराची झडती घेतली असता घरात गोमांस, विक्रीसाठी लागणारा वजनकाटा, मांस तोडण्यासाठी लागणारा सत्तूर आणि लाकडी कुंडा असा साहित्यसाठा मिळून आला. याशिवाय कत्तलीसाठी बांधून ठेवलेली तीन जनावरे, ज्यामध्ये दोन गायी व एका गोऱ्ह्याचा समावेश होता, ती पोलिसांना सुखरूप मिळून आली. पोलिसांनी सर्व साहित्य व जनावरांसह एकूण ९३,८०० रुपये किमतीचा मुद्देमाल पंचांसमक्ष जप्त करत तीनही मुक्या जनावरांची सुटका केली. याप्रकरणी आरोपी अब्दुल गणी कुरेशी याच्याविरुद्ध रामनगर पोलीस ठाण्यात ‘महाराष्ट्र प्राणी रक्षण (सुधारणा) अधिनियम १९९५’ नुसार गुन्हा दाखल करण्यात आला आहे.
ही धडक कारवाई पोलीस अधीक्षक आयुष नोपानी, अपर पोलीस अधीक्षक ईश्वर कातकडे आणि उपविभागीय पोलीस अधिकारी प्रमोद चौगुले यांच्या मार्गदर्शनाखाली पार पडली. यामध्ये रामनगर पोलीस ठाण्याच्या पोलीस निरीक्षक प्रभावती एकुरके यांच्या नेतृत्वात सहायक पोलीस निरीक्षक शिवाजी नागवे, सहायक पोलीस निरीक्षक हनुमान उगले, पोलीस उपनिरीक्षक कृष्णा दराडे, पोलीस अंमलदार आनंद खरात, प्रकाश बलकी, रामप्रसाद नैताम, बाबा नैताम, रविकुमार ढेंगळे, जितेंद्र आकरे, मनीषा मोरे, पंकज ठोंबरे, संदीप गेडाम, सुरेश कोरवार, प्रकाश मडावी, पंकज पोंदे, सुरज शेडमाके आणि ब्युटी साखरे यांनी महत्त्वाची कामगिरी बजावली. शहरात बेकायदेशीर कृत्य करणाऱ्यांविरुद्ध अशीच कडक मोहीम पुढेही सुरू राहील, असा इशारा पोलिसांनी दिला आहे.
प्रकाश हांडे हे News34.in चे संपादक असून चंद्रपूर, गडचिरोली व विदर्भातील राजकारण, गुन्हेगारी, सामाजिक आणि स्थानिक घडामोडींवर वृत्तांकन करतात. पत्रकारिता क्षेत्रातील अनेक वर्षांचा अनुभव असून ते डिजिटल न्यूज आणि तपास वृत्तांकनात सक्रिय आहेत.
