चंद्रपूर दीक्षाभूमीवर ‘भीम कन्या संघ’तर्फे अन्नदान; धम्मचक्र प्रवर्तन दिनी अनुयायांना मसाले भात वाटप

चंद्रपूर: दीक्षाभूमी अन्नदान उपक्रम चंद्रपूर येथे धम्मचक्र प्रवर्तन दिनानिमित्त १५ आणि १६ ऑक्टोबर रोजी राबवण्यात आला. ‘भीम कन्या संघ’ ग्रुपतर्फे अनुयायांना मसाले भात वाटप करण्यात आले. आयोजकांनी दिलेल्या माहितीनुसार, हजारो अनुयायांनी याचा लाभ घेतला. पंचायत समिती गोंडपिपरीच्या माजी सभापती हर्षा चांदेकर यांच्या मार्गदर्शनाखाली ग्रुपच्या महिला सदस्यांनी दोन्ही दिवस हे काम केले. सोहळ्यासाठी आलेल्या अनुयायांची गैरसोय होऊ नये, हा यामागील हेतू होता. (९ वर्षीय मुलावर बिबट्याचा हल्ला, वाचा बातमी)

धम्मचक्र प्रवर्तन दिनाच्या पावन पर्वावर १५ आणि १६ ऑक्टोबर रोजी चंद्रपूर येथील ऐतिहासिक दीक्षाभूमीवर देश-विदेशातून आणि कानाकोपऱ्यातून आलेल्या बौद्ध अनुयायांचा अथांग जनसागर उसळला होता. या सोहळ्याचे औचित्य साधून सामाजिक व धार्मिक भान जपत ‘भीम कन्या संघ’ ग्रुपतर्फे दीक्षाभूमी परिसरात महाप्रसादाचे (मसाले भात वाटप) भव्य आयोजन करण्यात आले होते. या उपक्रमातून हजारो धम्मबांधवांना महाप्रसादाचे वाटप करण्यात आले.

दीक्षाभूमी अन्नदान : मसाले भात वाटप

दीक्षाभूमीवर आलेल्या हजारो अनुयायांना पिण्याचे पाणी व भोजनाची सोय व्हावी, या हेतूने ‘भीम कन्या संघ’ ग्रुपच्या सदस्यांनी स्वयंस्फूर्तीने पुढाकार घेतला. १५ व १६ ऑक्टोबर या दोन्ही दिवशी अत्यंत शिस्तबद्ध पद्धतीने आणि आपुलकीच्या भावनेने मसाले भाताचे वाटप करण्यात आले. दीक्षाभूमीवर नतमस्तक होण्यासाठी आलेल्या जनसागराने या सेवाभावी उपक्रमाचे भरभरून कौतुक केले.

हा अन्नदानाचा उपक्रम यशस्वी करण्यासाठी पंचायत समिती गोंडपिपरीच्या माजी सभापती हर्षा चांदेकर यांच्या मार्गदर्शनाखाली ग्रुपच्या सदस्यांनी अहोरात्र मेहनत घेतली. यामध्ये पौर्णिमा चांदेकर, राजश्री बोंबर्डे, स्मिता तितरे, रीना पाथर्डी, धनश्री गेडाम, सुप्रिया वनकर, अनामिका धोंगडे, पौर्णिमा साव तसेच वैशाली देठे, रिनू वनकर, कल्पना नगराळे, परिणीता मेश्राम, पुनम नगराळे, पुनम कासवटे, आम्रपाली कांबळे, पौर्णिमा मुन, श्रद्धा दहिवले, सुनिता भसारकर, श्वेता वानखेडे, स्नेहा अलोने, शालू बहादे, रजनी पाझारे, शोभा चंदनखेडे, अर्चना जिखने, रश्मी निमसरकार, निर्मला ठमके, स्निग्धा हस्तक, रिंकू चालपुकर, काजल रायपुरे, पंचाशीला भरणे, शुभांगी गोरगाटे, चंदा बाबणे, वैशाली वनकर, बहिणाबाई अलोने, मिरा बाई चांदेकर आदी भीम कन्या संघ ग्रुपच्या सदस्यांनी मोलाचे योगदान दिले.

दीक्षाभूमीवर आलेल्या भाविकांची कोणतीही अडचण होऊ नये, यासाठी भीम कन्या संघाच्या महिलांनी एकत्र येत नियोजनबद्ध रीतीने काम केले. या सामाजिक आणि सेवेच्या उपक्रमामुळे दीक्षाभूमी परिसरात बंधुभाव व समर्पणाचे सुंदर वातावरण निर्माण झाले होते. भीम कन्या संघ ग्रुपने सामाजिक बांधिलकी जपत राबवलेल्या या उपक्रमाचे सर्वत्र अभिनंदन व कौतुक होत आहे.