त्याचप्रमाणे शहरात तिन्ही झोन कार्यालये आणि हुतात्मा स्मारक येथेही ध्वजारोहण करण्यात आले. या प्रसंगी उपस्थितांनी राष्ट्रगीताच्या गजरात भारत मातेला वंदन केले.
भारतीय स्वातंत्र्यदिनानिमित्त आज शनिवार १५ ऑगस्ट रोजी चंद्रपूर महानगरपालिका मुख्यालयाच्या प्रांगणात मा. महापौर सौ. संगीता खांडेकर यांच्या शुभहस्ते मुख्य ध्वजारोहण सोहळा उत्साहात पार पडला. त्याचप्रमाणे तिन्ही झोन कार्यालये,हुतात्मा स्मारक येथेही धजारोहण पार पडले.
मा. महापौर यांनी राष्ट्रध्वज फडकवून ध्वजाला सलामी दिली. याप्रसंगी उपस्थितांनी राष्ट्रगीत व देशभक्तीपर गीतांच्या गजरात भारत मातेला अभिवादन केले. शहरातील नागरिकांना संबोधित करताना मा. महापौर सौ.संगीता खांडेकर म्हणाल्या, “स्वातंत्र्यसैनिकांच्या त्यागामुळेच आज आपण हा अमृतकाळ अनुभवत आहोत. चंद्रपूर शहराला स्वच्छ, सुंदर आणि प्रगतीशील बनवण्यासाठी तसेच पर्यावरणाचे रक्षण करण्यासाठी मनपा प्रशासन व नागरिक यांनी खांद्याला खांदा लावून काम करणे गरजेचे आहे.”
या मुख्य ध्वजारोहण सोहळ्याला मा. उपमहापौर श्री.प्रशांत दानव, मा. स्थायी समिती सभापती सौ.मनस्वी गिऱ्हे, आयुक्त श्री.अकुनूरी नरेश, सर्व विषय समित्यांचे सभापती, नगरसेवक/नगरसेविका, उपायुक्त श्री.संदीप चिद्रावार,उपायुक्त श्री.शेषराव टाले,शहर अभियंता श्री.रवींद्र हजारे,मुख्य लेखाधिकारी श्री.मनोज गोस्वामी,मनपाचे अधिकारी, कर्मचारी व नागरिक मोठ्या संख्येने उपस्थित होते.
प्रकाश हांडे हे News34.in चे संपादक असून चंद्रपूर, गडचिरोली व विदर्भातील राजकारण, गुन्हेगारी, सामाजिक आणि स्थानिक घडामोडींवर वृत्तांकन करतात. पत्रकारिता क्षेत्रातील अनेक वर्षांचा अनुभव असून ते डिजिटल न्यूज आणि तपास वृत्तांकनात सक्रिय आहेत.
