Nomination Last Day : चंद्रपूर ३० डिसेंबर - चंद्रपुर महानगरपालिका सार्वत्रिक निवडणूक २०२५-२६ साठी सोमवार २९ डिसेंबर २०२५ रोजी ६६ नामनिर्देशन दाखल करण्यात आली आहे. तसेच ३०० नामनिर्देशन पत्रांची उचल करण्यात आली आहे.
मनपा सार्वत्रिक निवडणूकीसाठी नामनिर्देशन दाखल करण्याच्या चौथ्या दिवशी निवडणूक निर्णय अधिकाऱ्यांची ५ कार्यालये मिळुन एकुण १७३ इच्छूकांनी ३०० नामनिर्देशन पत्रांची उचल केली. नामनिर्देशन पत्रे ही केवळ प्रत्यक्षरित्याच (ऑफलाईन) सादर करता येत आहेत.
३० डिसेंबर २०२५ (मंगळवार) शेवटच्या दिवशी सकाळी 11 ते दुपारी 3 या कालावधीत नामनिर्देशन पत्र दाखल करता येणार आहे. प्रमुख पक्षांच्या उमेदवार यादी जाहीर न झाल्याने शेवटच्या दिवशी उमेदवारी अर्ज दाखल करण्यासाठी मोठी गर्दी उसळण्याची शक्यता आहे.
केंद्रनिहाय अर्जाची संख्या पुढीलप्रमाणे -
१.निवडणूक निर्णय अधिकारी क्रमांक १ - (प्रभाग क्र. १,२ व ५) - २४ इच्छुकांद्वारे ३७ अर्जांची उचल,११ अर्ज दाखल
२.निवडणूक निर्णय अधिकारी क्रमांक २ -(प्रभाग क्र. ३,४ व ६) - ३७ इच्छुकांद्वारे ५९ अर्जांची उचल, १८ अर्ज दाखल
३.निवडणूक निर्णय अधिकारी क्रमांक ३ - (प्रभाग क्र. ७,८ व ९) - ५० इच्छुकांद्वारे ९७ अर्जांची उचल, १४ अर्ज दाखल
४.निवडणूक निर्णय अधिकारी क्रमांक ४ - (प्रभाग क्र. १०,११,१२ व १५) - ४० इच्छुकांद्वारे ७२, अर्जांची उचल, १८ अर्ज दाखल
५.निवडणूक निर्णय अधिकारी क्रमांक ५ - ( प्रभाग क्र. १३,१४,१६ व १७) - २२ इच्छुकांद्वारे ३५ अर्जांची उचल, ०५ अर्ज दाखल
Leave a Comment