POCSO case Chimur | पोक्सो अंतर्गत युवकाला अटक; भिसी पोलिसांची तातडीची कारवाई

POCSO case Chimur : चंद्रपूर: चिमूर तालुक्यातील भिसी पोलीस स्टेशन अंतर्गत येणाऱ्या मौजा नवतला येथे एक अत्यंत संतापजनक आणि धक्कादायक प्रकार उघडकीस आला आहे. एका २४ वर्षीय युवकाने अल्पवयीन मुलीशी वारंवार शारीरिक संबंध प्रस्थापित करून तिला गर्भवती केल्याची गंभीर घटना समोर आली आहे. याप्रकरणी भिसी पोलिसांनी नराधम आरोपीविरुद्ध पोक्सो (POCSO) कायद्यासह विविध गंभीर कलमांन्वये गुन्हा दाखल करून त्याला बेड्या ठोकल्या आहेत. जिल्हा सामान्य रुग्णालय, चंद्रपूर येथून प्राप्त झालेल्या एका वैद्यकीय मेमोमुळे हा संपूर्ण काळाबाजार उघडकीस आला. (बल्लारपुरातील हरणे टोळी हद्दपार)

भिसी पोलीस स्टेशनकडून मिळालेल्या अधिकृत माहितीनुसार, पीडित अल्पवयीन मुलीने दिलेल्या फिर्यादीवरून विवेक राजेंद्र शिवरकर (वय २४ वर्षे) असे अटक करण्यात आलेल्या आरोपीचे नाव आहे. आरोपी विवेक याने १५ ऑगस्ट २०२५ ते १८ मे २०२६ या नऊ महिन्यांच्या कालावधीत मौजा नवतला परिसरात पीडित मुलगी अल्पवयीन असल्याचे पूर्णपणे माहीत असतानाही, तिच्या असहायतेचा फायदा घेतला. त्याने तिच्यावर वारंवार अत्याचार करत शारीरिक संबंध प्रस्थापित केले. POCSO case Chimur

भिसी पोलिसांची POCSO case Chimur कायद्यान्वये आरोपीविरुद्ध कठोर कारवाई

या सततच्या शोषणातून पीडित अल्पवयीन मुलगी गर्भवती राहिली. तिची प्रकृती खालावल्याने आणि प्रसूतीची वेळ जवळ आल्याने तिला चंद्रपूर येथील जिल्हा सामान्य रुग्णालयात उपचारासाठी दाखल करण्यात आले होते. तेथे पीडितेने एका गोंडस बाळाला जन्म दिला. रुग्णालयात दाखल झालेली माता ही अल्पवयीन असल्याचे वैद्यकीय तपासणीत स्पष्ट होताच, रुग्णालय प्रशासनाने तातडीने या प्रकरणाची दखल घेतली आणि भिसी पोलीस स्टेशनला कायदेशीर कारवाईसाठी अधिकृत मेमो पाठविला. हा मेमो मिळताच पोलिसांनी चक्र फिरवून पीडितेची विचारपूस केली आणि गुन्हा उघड केला.

याप्रकरणी भिसी पोलिसांनी तत्परता दाखवत आरोपी विवेक शिवरकर याच्याविरुद्ध अपराध क्रमांक १५७/२६ अन्वये भारतीय न्याय संहिता २०२३ चे कलम ६४, ६४(२)(m) तसेच बाल लैंगिक अत्याचार प्रतिबंधक कायदा (पोक्सो) च्या कलम ४ आणि ६ अंतर्गत गुन्हा दाखल केला आहे. गुन्हा दाखल होताच पोलिसांनी आरोपीला तात्काळ अटक केली असून, त्याला न्यायालयात हजर केले असता न्यायालयाने त्याची रवानगी पोलीस कोठडीत केली आहे. या संवेदनशील आणि गंभीर प्रकरणाचा पुढील तपास पोलीस उपनिरीक्षक रवींद्र वाघ अत्यंत सखोलपणे करीत आहेत.