वरोरा (चंद्रपूर): Warora Illegal Liquor Seized कारवाई अंतर्गत वरोरा पोलिसांनी बारव्हा येथे छापा टाकून बेकायदेशीर देशी दारूची वाहतूक उघडकीस आणली आहे. पोलिसांनी केलेल्या कारवाईत ४५ सिलबंद बाटल्या आणि एक विनाक्रमांकाची मोपेड असा ६१ हजार ८०० रुपयांचा मुद्देमाल जप्त करण्यात आला. या प्रकरणी दोघांवर दारूबंदी कायद्यान्वये गुन्हा दाखल झाला आहे.
वरोरा पोलीस ठाण्याच्या हद्दीतील मौजा बारव्हा येथे विनाक्रमांकाच्या मोपेडवरून अवैध देशी दारूची वाहतूक करून विक्रीच्या उद्देशाने साठा करणाऱ्या दोन इसमांविरोधात पोलिसांनी धडक कारवाई केली आहे. या कारवाईत पोलिसांनी ४५ बाटल्या देशी दारू आणि गुन्ह्यात वापरलेली विनाक्रमांकाची मोपेड असा एकूण ६१ हजार ८०० रुपयांचा मुद्देमाल जप्त केला असून, दोन्ही आरोपींविरुद्ध महाराष्ट्र दारूबंदी कायद्यान्वये गुन्हा दाखल करण्यात आला आहे.
आठमुर्डी बंदोबस्तादरम्यान पोलिसांना मिळाली गुप्त बातमीदाराकडून माहिती
पोलिसांकडून मिळालेल्या सविस्तर माहितीनुसार, २१ ऑगस्ट २०२६ रोजी पोलीस हवालदार विक्की सदाशिवराव करपे हे महिला पोलीस अंमलदार रमा बरडे यांच्यासह मौजा आठमुर्डी येथे ग्रामसभा बंदोबस्तासाठी गेले होते. बंदोबस्तादरम्यान गुप्त बातमीदाराकडून खात्रीशीर माहिती मिळाली की, मौजा बारव्हा येथील रहिवासी मंगेश डोमाजी मेश्राम (वय ४२ वर्ष) आणि दिवाकर सुरेश मडावी (वय ४० वर्ष) हे दोघे विनाक्रमांकाच्या मोपेडवरून आपल्या राहत्या घरी अवैध दारू विक्री करण्याच्या उद्देशाने पांढऱ्या रंगाच्या प्लास्टिक पिशवीत दारू घेऊन येत आहेत. या माहितीच्या आधारे पोलीस पथकाने तत्काळ बारव्हा बसस्थानक गाठले आणि पंचांना सोबत घेऊन राणी दुर्गावती स्मारक परिसरात नाकेबंदी लावली.
विनाक्रमांकाच्या मोपेडवरून पांढऱ्या पिशवीत दारूची वाहतूक उघड
नाकेबंदी दरम्यान राणी दुर्गावती स्मारकालगत असलेल्या पत्र्याच्या दुकानासमोर एक विनाक्रमांकाची मोपेड स्कुटी डबल सीट येताना दिसली. त्यावरील दोघे जण मोपेडवरून पांढऱ्या रंगाची प्लास्टिक पिशवी खाली उतरवत असताना पोलिसांनी पंचांसमक्ष त्यांना घेराव घातला. पोलिसांनी आपली ओळख सांगून विचारपूस केली असता त्यांनी आपली नावे मंगेश डोमाजी मेश्राम व दिवाकर सुरेश मडावी (दोन्ही रा. बारव्हा, ता. वरोरा) असल्याचे सांगितले. त्यानंतर पंचांच्या उपस्थितीत त्यांच्या ताब्यातील प्लास्टिक पिशवीची झडती घेतली असता, त्यात ९० मिली क्षमतेच्या ‘रॉकेट संत्रा’ देशी दारूच्या ४५ सिलबंद शिश्या मिळून आल्या. या दारूची अंदाजे किंमत १ हजार ८०० रुपये असून वाहतुकीसाठी वापरण्यात आलेली ६० हजार रुपये किमतीची मोपेड स्कुटी असा एकूण ६१ हजार ८०० रुपयांचा मुद्देमाल पंचांसमक्ष जप्त करण्यात आला.
आरोपींकडे दारू बाळगण्याबाबत किंवा वाहतुकीबाबत कोणत्याही प्रकारचा अधिकृत परवाना नसल्याचे स्पष्ट झाल्यानंतर पोलिसांनी घटनास्थळावरून रासायनिक विश्लेषणासाठी (CA Sample) नमुना सील केला व उर्वरित मुद्देमाल ताब्यात घेतला. या कारवाईदरम्यान आरोपी दिवाकर सुरेश मडावी हा दिव्यांग असल्याने त्याला कायदेशीर तरतुदीनुसार जागेवरच सूचनापत्र देऊन सोडण्यात आले. पोलीस हवालदार विक्की करपे यांच्या लेखी तक्रारीवरून वरोरा पोलीस ठाण्यात आरोपी मंगेश मेश्राम आणि दिवाकर मडावी यांच्याविरुद्ध महाराष्ट्र दारूबंदी अधिनियम, १९४९ च्या कलम ६५ (अ) आणि ८३ अन्वये गुन्हा नोंद क्रमांक ०९१३ दाखल करण्यात आला असून, ठाणे प्रभारी अधिकारी ओमप्रकाश शामराव सोनटक्के यांच्या मार्गदर्शनाखाली सहाय्यक पोलीस उपनिरीक्षक संजय भाऊराव गौरकार पुढील तपास करीत आहेत.
प्रकाश हांडे हे News34.in चे संपादक असून चंद्रपूर, गडचिरोली व विदर्भातील राजकारण, गुन्हेगारी, सामाजिक आणि स्थानिक घडामोडींवर वृत्तांकन करतात. पत्रकारिता क्षेत्रातील अनेक वर्षांचा अनुभव असून ते डिजिटल न्यूज आणि तपास वृत्तांकनात सक्रिय आहेत.
