गोंडपिंपरी: Gondpipri Police Recover Mobile प्रकरणी गोंडपिंपरी पोलिसांनी धडक कामगिरी करत लाखो रुपयांचा चोरीचा मुद्देमाल हस्तगत केला आहे. पोलिसांनी विविध ठिकाणांवरून चोरीला गेलेले १४ मोबाईल आणि एक दुचाकी जप्त केली. ठाणेदार रमेश हत्तीगोटे यांच्या मार्गदर्शनात हा तपास यशस्वी झाला. २ लाख ४० हजार रुपयांचा मुद्देमाल कायदेशीर प्रक्रियेनंतर थेट मूळ मालकांना परत करण्यात आला आहे. (हे हि वाचा – चंद्रपुरातील व्यक्तीने बिहारवरून मागवली पिस्तूल)
गोंडपिंपरी पोलीस ठाण्याच्या हद्दीत विविध ठिकाणांवरून चोरीला गेलेले १४ मोबाईल आणि एक दुचाकी शोधण्यात पोलिसांना मोठे यश आले आहे. पोलिसांनी जप्त केलेला एकूण २ लाख ४० हजार रुपयांचा मुद्देमाल कायदेशीर प्रक्रिया पूर्ण करून रविवारी, २३ ऑगस्ट रोजी मूळ मालकांच्या स्वाधीन केला.
तांत्रिक तपासाला यश
परिसरात घडलेल्या चोरीच्या घटनांची दखल घेत ठाणेदार रमेश हत्तीगोटे यांच्या मार्गदर्शनाखाली पोलिसांनी तपासचक्रे वेगाने फिरवली. उपलब्ध तांत्रिक माहिती आणि गुप्त बातमीदारांच्या आधारे पोलिसांनी विविध दिशांनी शोधमोहीम राबवून १४ महागडे मोबाईल फोन आणि एक दुचाकी असा लाखोंचा मुद्देमाल हस्तगत केला.
नागरिकांमध्ये समाधानाचे वातावरण
आवश्यक ती कायदेशीर पूर्तता करून हा मुद्देमाल संबंधितांना परत सोपवण्यात आला. स्वतःचा हरवलेला अथवा चोरी गेलेला मोबाईल आणि वाहन परत मिळाल्याने नागरिकांनी सुटकेचा निःश्वास टाकला. पोलिसांच्या या तत्पर व कर्तव्यदक्ष कामगिरीमुळे सर्वसामान्यांचा पोलीस प्रशासनावरील विश्वास अधिक दृढ झाला असून, गोंडपिंपरी पोलीस पथकाचे सर्व स्तरांतून कौतुक केले जात आहे.
प्रकाश हांडे हे News34.in चे संपादक असून चंद्रपूर, गडचिरोली व विदर्भातील राजकारण, गुन्हेगारी, सामाजिक आणि स्थानिक घडामोडींवर वृत्तांकन करतात. पत्रकारिता क्षेत्रातील अनेक वर्षांचा अनुभव असून ते डिजिटल न्यूज आणि तपास वृत्तांकनात सक्रिय आहेत.
