News34
गुरू गुरनुले
मुल – अवैद्य दारू विक्रेत्यांवर कारवाई करण्याच्या मागणीकरीता, पिपरी दिक्षीत येथील ग्रामस्थांनी आज पोलिस स्टेशनवर धडक दिल्याने, प्रशासनात खळबळ माजली.
मागील अनेक वर्षापासून तालुक्यात अवैद्य दारू विक्री केली जात असल्यांने, महिलांमद्ये संताप व्यक्त केला जात आहे. या अवैदय दारूमुळे अनेकांचे संसार उध्वस्त होत असून, लहान मुलेही दारूच्या आहारी जात आहे. यामधे शाळा कॉलेजच्या तरुण पिढीचा समावेश आहे. मूल येथून मोठ्या प्रमाणावर दारू किंग कडून अवैद्य दारू पुरवठा केला जात असून, यामुळे गावात असंतोष निर्माण झाला आहे.
गावातील शांतता सुव्यवस्था देखील भंग झालेली आहे. अशा दारू विक्रेत्यांवर तात्काळ कारवाई करावी या मागणीकरीता पिप्री दीक्षित येथील गावकर्यांनी आज सरपंचाचे सहीचे निवेदनासह पोलिस स्टेशनवर धडक दिली. अवैद्य दारू विक्रेत्यांवर कारवाई करण्यासाठी महिलांचा एल्गार आणून तहसिलदार मुल यांनाही निवेदन दिले. आवैद्य दारू विक्रेत्यांवर कारवाई झाली नाही तर विष घेवून आत्महत्या करू असा इशारा महिलांनी दिला आहे.
दरम्यान अवैद्य दारू विक्रीमुळे अनेकांचे संसार उध्वस्त झाल्यांचा गावकर्यांनी आरोप करीत, एका कुटूंबातील व्यक्तीने घरचे सोने गहाण ठेवून पूर्ण पैसे दारूत उडविले, आता शेती करायलाही पैसे नसल्यांने ही महिला आत्महत्येचा विचार करीत असल्यांचे गावकर्यांनी पत्रकारांशी बोलतांना आपबिती सांगीतली.
