News34 chandrapur
चंद्रपूर/वरोरा – जिल्ह्यातील वरोरा तालुक्यातील येनसा गावातील महिलेची स्वतःला बँकेचे अधिकारी सांगत पंतप्रधान किसान योजनेमार्फत पैसे मंजूर झाले असल्याची बाब सांगत तब्बल 38 हजार रुपयांची फसवणूक केल्याची घटना घडली. याबाबत महिलेने फिर्याद देताच स्थानिक गुन्हे शाखेने आरोपीला 24 तासाच्या आत अटक केली.
65 वर्षीय फिर्यादी मंजुळाबाई नथुजी झाडे या महिलेला अज्ञात 2 इसमानी स्वतःला बँकेचे अधिकारी सांगत मंजुळाबाई यांना पंतप्रधान किसान योजनेमार्फत 1 लाख 40 हजार व बैलबंडी साठी 3 लाख रुपये मंजूर झाले आहे, मात्र त्याचा लाभ घेण्यासाठी तुम्हाला आधी 22 हजार रुपये रोख भरावे लागतील, असे सांगत महिलेकडून सोन्याच्या पोत व कानातील बिऱ्या असा एकूण 38 हजार रुपयांचे सोन्याचे दागिने घेत पळ काढला.
त्याच दिवशी दुपारच्या सुमारास आरोपीनी वरोरा तालुक्यातील भटाळी येथील असाच एक गुन्हा केला.
फिर्यादी मंजुळाबाई यांनी 9 ऑक्टोबर ला वरोरा पोलीस स्टेशनमध्ये फिर्याद नोंदविली, गुन्हा दाखल होताच जिल्हा पोलीस अधीक्षक रविंद्र परदेशी यांनी स्थानिक गुन्हे शाखेला सदर गुन्ह्याचा छडा लावण्याचे निर्देश दिले.
स्थानिक गुन्हे शाखेचे पोलीस निरीक्षक महेश कोंडावार यांनी पथक तयार करीत गुन्ह्याचा तपास सुरू केला.
सदर प्रकरणात गोपनीय माहिती मिळवीत आरोपी 51 वर्षीय रामराव भीमराव ढोबळे तालुका तिवसा जिल्हा अमरावती याला ताब्यात घेतले.
आरोपी रामराव याने आपल्या साथीदारांसह 2 गुन्हे केल्याचे निष्पन्न झाले, गुन्ह्यात वापरलेली दुचाकी वाहन सुद्धा जप्त करण्यात आले, आरोपी रामराव ढोबळे याचे क्राईम रेकॉर्ड चेक केले असता त्याच्यावर महाराष्ट्रातील विविध जिल्ह्यात अश्याच प्रकारचे गुन्हे दाखल आहे.
सदरची यशस्वी कारवाई पोलीस अधीक्षक रविंद्र परदेशी, अप्पर पोलीस अधीक्षक रीना जनबंधु यांच्या मार्गदर्शनाखाली स्थानिक गुन्हे शाखेचे पोलीस निरीक्षक महेश कोंडावार यांच्या नेतृत्वाखाली पोउपनी विनोद भुरले, पोलीस कर्मचारी धनराज करकाडे, चंदू नागरे, प्रशांत नागोसे, दिनेश आरोळे यांनी केली असून पुढील तपास वरोरा पोलीस करीत आहे.
