News34 chandrapur
चंद्रपूर – IPL नंतर क्रिकेट च्या महासंग्राम वर्ल्ड कप भारतात सुरू झाले असून आज 29 व्या मॅच मध्ये भारत विरुद्ध इंग्लड चा सामना लखनौ येथे खेळल्या गेला, भारताने 50 षटकात 229 धावा बनविल्या, मात्र या मॅच दरम्यान चंद्रपुरात कोट्यवधी रुपयांचा सट्टा लागला असल्याची माहिती समोर आली आहे.
वर्ल्ड कप 2023 च्या 29 व्या मॅच मध्ये आज भारत विरुद्ध इंग्लंड चा क्रिकेट सामना रंगला, या सामन्या दरम्यान चंद्रपुरातील नाहीसे झालेले सट्टेबाज पुन्हा परतले आहे, सामन्या दरम्यान कोट्यवधी रुपयांचा सट्टा लागला अशी माहिती मिळाली आहे.
सध्या अंचलेश्वर गेट, महाकाली वॉर्ड, रघुवंशी कॉम्प्लेक्स, तुकुम, रामनगर, दादमहल, भिवापूर, जटपुरा गेट भागात सट्टे बाजानी आपले बस्तान मांडत सट्टे बाजीचा खेळ सुरू केला आहे, शहरातील विविध ठिकाणी 20 ते 50 मोबाईल ऍक्टिव्ह करीत सट्टेबाज आपलं नेटवर्क चालवीत आहे, या मध्ये अनेक राजकीय पदाधिकारी सुद्धा गुंतले आहे, सध्या सट्टा घेणारा व लावणारा हे आपसात व्हाट्सएपच्या माध्यमातून एकमेकांसोबत सम्पर्क साधत आहे.
