Thursday, February 29, 2024
Homeचंद्रपूरमाजी नगरसेवकाच्या मृत्यूवर कांग्रेस आक्रमक

माजी नगरसेवकाच्या मृत्यूवर कांग्रेस आक्रमक

मुल उपजिल्हा रुग्णालयातील असुविधेबाबत आणि डाक्टर कर्मचाऱ्यांचे रुग्णांसोबत होणाऱ्या उद्धट वागणुकीबद्दल जिल्हा शल्यचिकित्सक यांना काँग्रेसचे निवेदन

- Advertisement -
- Advertisement -

News34 chandrapur गुरू गुरनुले

मुल – उपजिल्हा रुग्णालय मूल येथील डॉक्टर व आरोग्य कर्मचार्याच्या दुर्लक्षपणामुळे लोक प्रतिनिधी माजी नगर सेवक विनोद कामडे यांचा मृत्यू झाला. जर विनोद कामडे यांना रेफर केले नसते तर वाटेतच जीव गेला नसता. याप्रकरणात सर्वस्वी डॉक्टर व कर्मचारी आहेत. असा आरोप तालुका काँग्रेसने काँग्रेस नेते सी.डी सी.सी. बँकेचे अध्यक्ष संतोष सिंह रावत यांचे नेतृत्वात जिल्हा शल्य चिकित्सक डॉ.महादेव चिंचोळे यांना लेखी निवेदनाद्वारे केले असून संबधितांवर त्वरित कायदेशीर कारवाई करावी अन्यथा रुग्णालयां समोर आंदोलनाचा मार्ग स्वीकारावा लागेल अशी मागणी वाजा इशारा काँग्रेसने दिला आहे.

 

निवेदन देताना कॉंग्रेसचे जिल्हा महासचिव तथा कृषी उत्पन्न बाजार समितीचे सभापती राकेश रत्नावार, तालुका अध्यक्ष गुरु गुरनुले, शहर अध्यक्ष सुनील शेरकी, सरचिटणीस संदीप मोहबे उपस्थित होते. गेल्या नऊ महिन्यात विनोद कांमडेसह चार जणांचा जीव रुग्णालयातील असुविधेमुळे व कर्मचारी यांच्या दुर्लक्षित पणामुळे गेला याला जबाबदार कोण ? असा प्रश्न डॉ.चिंचोळे समोर उपस्थित केला. आजही रुग्णालयात अनेक असुविधा आहेत.यामधे डॉकटर,कर्मचारी स्टॉप कमी, हार्ट इसिजी तपासणी सोय नाही, सोनोग्राफी आप्रेटर नाही,एक्सरे टेक्निशियन नाही, अत्यावश्यक पुरेसा औषधीसाठा उपलब्ध नाही, रक्तसाठा वेळेनुसार उपलब्ध होत नाही, इथेच रुग्णांवर पूर्ण उपचार होत असताना देखील आपल्यावरची जबाबदारी टाळासाठी रेफर टू चंद्रपूर केले जाते.

 

तसेच आलेल्या रुग्णांसोबत व त्यांचे नातेवाईकांन सोबत अरेराविने बोलले जाते. तरी देखील वरिष्ठ अधिकाऱ्यांचे आणि शासनाचे आरोग्य सेवेकडे लक्ष नाही. याबाबत त्वरित सुधारणा घडऊन आणावी अन्यथा आंदोलनाचा मार्ग स्वीकारावा लागेल असा इशारा निवेदनातून देण्यात आला आहे.

RELATED ARTICLES
spot_imgspot_imgspot_imgspot_img
- Advertisment -spot_imgspot_img

Recent News

Most Popular