Monday, June 17, 2024
Homeगुन्हेगारीगुन्हेगारीचा पहिला प्रयत्न चंद्रपूर शहर पोलिसांनी हाणून पाडला

गुन्हेगारीचा पहिला प्रयत्न चंद्रपूर शहर पोलिसांनी हाणून पाडला

मोबाईल हिसकावणारे 3 अल्पवयीन शहर पोलिसांच्या ताब्यात

- Advertisement -
- Advertisement -

News34 chandrapur

चंद्रपूर – चंद्रपूर शहरात तीन अल्पवयीन मुलांचा पहिल्या गुन्हा करण्याचा प्रयत्न शहर पोलिसांनी हाणून पाडला, या घटनेत तीन अल्पवयीन मुलांना अटक करण्यात आली आहे.

 

शहरातील संताजी भवन मार्गे बगड खिडकी कडे सायकल ने जाणारे प्रत्युष मुन यांचा मोबाईल दुचाकी वाहनांवर आलेल्या तिघांनी हिसकावून नेल्याची घटना 6 डिसेंबर ला घडली, फिर्यादी मुन यांनी याबाबत शहर पोलीस स्टेशनमध्ये तक्रार दिली असता गुन्हे शोध पथकाचे कर्मचाऱ्यांनी तपास सुरू केला.

 

संताजी भवन व पुढील मार्गावरील सीसीटीव्ही फुटेज ची पोलिसांनी तपासणी करीत दुचाकी व अल्पवयीन मुलांची ओळख पटताच त्यांना ताब्यात घेण्यात आले, या घटनेत तिघांना ताब्यात घेतले असता त्यांची चौकशी करण्यात आली, त्यांनी सांगितले की हा आमचा पहिलाच गुन्हा आहे. पोलिसांनी या गुन्ह्यात वापरलेली दुचाकी क्रमांक MH34CC1447 व हिसकावून नेलेला मोबाईल असा एकूण 58 हजार रुपयांचा मुद्देमाल जप्त केला.

 

सदरची कारवाई पोलीस अधीक्षक रविंद्र परदेशी, अप्पर पोलीस अधीक्षक रिना जनबंधु, उपविभागीय पोलीस अधिकारी सुधीर नंदनवार यांच्या मार्गदर्शनाखाली पोलीस निरीक्षक सतीश राजपूत, सहायक पोलिस निरीक्षक मंगेश भोंगाळे, पोलीस उपनिरीक्षक शरीफ शेख, पोलीस कर्मचारी विलास निकोडे, महेंद्र बेसरकर, संतोष पंडित, इम्रान खान, भावना रामटेके, सचिन बोरकर, चेतन गज्जलवार, रुपेश रणदिवे यांनी केली.

RELATED ARTICLES

Recent News

Most Popular

error: Content is protected !!