भद्रावतीत सकाळी-सकाळी रक्तपात!; मानेवर वार करून एकाची हत्या, संशयित आरोपीला अटक

भद्रावती: Bhadrawati Murder Case मुळे आज सकाळी भद्रावती शहरात खळबळ उडाली आहे. नाग मंदिर चौकाजवळ दुचाकीने कामावर निघालेल्या ४० वर्षीय उमेश भाऊराव मेश्राम या गवंडी काम करणाऱ्यावर अज्ञात हल्लेखोरांनी धारदार शस्त्राने मानेवर वार करत निर्घृण हत्या केली. सकाळी सव्वासातच्या सुमारास घडलेल्या या घटनेने परिसरात भीतीचे वातावरण पसरले असून, जुन्या पैशांच्या वादातून हा प्रकार घडल्याचा प्राथमिक संशय पोलिसांनी व्यक्त केला आहे. पोलिसांनी एका आरोपीला अटक केली असून दुसऱ्या फरार आरोपीचा शोध सुरू आहे.

शांतताप्रिय समजल्या जाणाऱ्या भद्रावती शहरात आज सकाळी एका निर्घृण हत्याकांडाने खळबळ उडाली आहे. नाग मंदिर चौकाजवळ दुचाकीने जाणाऱ्या एका ४० वर्षीय मिस्त्रीची अज्ञात हल्लेखोरांनी मानेवर धारदार शस्त्राने सपासप वार करून हत्या केली. या रक्तपाताच्या घटनेमुळे परिसरात भीतीचे वातावरण पसरले असून, जुन्या पैशाच्या देवाणघेवाणीतून हा प्रकार घडल्याचा प्राथमिक संशय पोलिसांनी व्यक्त केला आहे. (दारू पाजण्याचा बहाण्याने बोलाविले आणि हल्ला केला, वाचा हि थरारक बातमी)

मिळालेल्या माहितीनुसार, मूळचे देऊरवाडा येथील रहिवासी असलेले आणि सध्या भद्रावतीतील शिवाजीनगर (प्रज्ञा वाचनालयाजवळ) येथे वास्तव्यास असलेले उमेश भाऊराव मेश्राम (वय ४०) हे गवंडी/मिस्त्री काम करून आपल्या कुटुंबाचा गाडा हाकत होते. रोजच्याप्रमाणे आज सकाळी सव्वा सातच्या सुमारास ते आपल्या दुचाकीने घरून कामासाठी निघाले.

सकाळी ७:३० वाजताच्या सुमारास उमेश हे नाग मंदिर चौकाजवळ पोहोचले असता, दबा धरून बसलेल्या अज्ञात मारेकऱ्यांनी अचानक त्यांच्यावर हल्ला चढवला. हल्लेखोरांनी थेट त्यांच्या मानेवर धारदार शस्त्राने गंभीर वार केले. वार इतका भीषण होता की, उमेश हे रक्ताच्या थारोळ्यात रस्त्यावरच कोसळले आणि घटनेच्या ठिकाणीच त्यांचा करुण अंत झाला. दिवसाढवळ्या आणि गजबजलेल्या भागात झालेल्या या हल्ल्याने परिसर हादरून गेला.

घटनेची माहिती मिळताच स्थानिक नागरिकांनी तातडीने भद्रावती पोलीस स्टेशनला या संदर्भात कळवले. माहिती मिळताच डी वाय एस पी सचिन खेत्रे यांच्यासह पोलिसांचा ताफा घटनास्थळी दाखल झाला. पोलिसांनी तात्काळ परिसराची नाकेबंदी करत घटनास्थळाचा पंचनामा केला व मृतदेह शवविच्छेदनासाठी रुग्णालयात हलवला.

आर्थिक व्यवहारातून हत्या? एकाला अटक

पोलिसांनी आपल्या तपासाची चक्रे जलद गतीने फिरवत संशयितांची धरपकड सुरू केली आहे. प्राथमिक तपासात पैशांच्या देवाणघेवाणीच्या वादातून हा खून झाल्याचा दाट संशय व्यक्त केला जात आहे. याप्रकरणी भद्रावती पोलिसांनी तातडीने कारवाई करत एका आरोपीला ताब्यात घेतले असून, घटनेतील दुसऱ्या आरोपीचा शोध घेण्यासाठी पोलिसांचे पथक रवाना झाले आहे.

सकाळी-सकाळी झालेल्या या हत्याकांडामुळे भद्रावतीत तीव्र संताप व्यक्त केला जात असून पोलीस आता फरार आरोपीच्या शोधात आहेत.