चंद्रपूर: कर्जमुक्ती योजना चौथी यादी जाहीर झाली असून चंद्रपूर जिल्ह्यातील १ हजार ११५ शेतकऱ्यांचा त्यात समावेश आहे. ही माहिती सहकार विभागाने दिली. यात जिल्हा मध्यवर्ती सहकारी बँकेचे ६८२ आणि राष्ट्रीयकृत बँकांचे ४३३ शेतकरी आहेत. आतापर्यंत जिल्ह्यातील ५३ हजार ४७३ शेतकरी पात्र ठरले आहेत. या शेतकऱ्यांनी आधार प्रमाणीकरण तातडीने पूर्ण करावे, असे आवाहन उपनिबंधक जयसिंग ठाकूर यांनी केले आहे. प्रमाणीकरणानंतर कमाल दोन लाख रुपयांपर्यंतची रक्कम कर्जखात्यात जमा होईल. (लोकसहभागातून भद्रावती तालुक्यात ३ वनराई बंधारे तयार, वाचा बातमी)
कर्जमुक्ती योजना चौथी यादी: चंद्रपूरमधील लाभार्थी
महाराष्ट्र शासनाच्या वतीने राबविण्यात येत असलेल्या ‘पुण्यश्लोक अहिल्यादेवी होळकर शेतकरी कर्जमुक्ती योजना-२०२६’ अंतर्गत पात्र लाभार्थ्यांची चौथी यादी नुकतीच जाहीर करण्यात आली आहे. या नव्या यादीत चंद्रपूर जिल्ह्यातील १ हजार ११५ शेतकऱ्यांचा समावेश असून, यात जिल्हा मध्यवर्ती सहकारी बँकेच्या ६८२ तर विविध राष्ट्रीयकृत बँकांच्या ४३३ शेतकरी सभासदांचा समावेश आहे. विशेष म्हणजे, या योजनेअंतर्गत आतापर्यंत जिल्ह्यातील तब्बल ५३ हजार ४७३ शेतकरी कर्जमाफीसाठी पात्र ठरले आहेत.
राज्य शासनाने २ जून २०२६ रोजीच्या निर्णयानुसार ही कर्जमुक्ती योजना अमलात आणली आहे. या योजनेंतर्गत १ एप्रिल २०१९ ते ३१ मार्च २०२५ या कालावधीत वाटप करण्यात आलेले, ३० सप्टेंबर २०२५ पर्यंत थकीत असलेले आणि ३१ मार्च २०२६ पर्यंत परतफेड न झालेले पीक कर्ज व पुनर्गठित कर्जावर कमाल २ लाख रुपयांपर्यंतची कर्जमुक्ती दिली जात आहे. महाआयटी मार्फत विकसित करण्यात आलेल्या ऑनलाइन संगणकीय प्रणालीद्वारे ही संपूर्ण प्रक्रिया पारदर्शकपणे राबवली जात आहे. बँकांनी पोर्टलवर अपलोड केलेल्या माहितीनुसार, राज्यातील ३१.१७ लाख खात्यांपैकी चंद्रपूर जिल्ह्यातील ६१ हजार १०१ कर्ज खात्यांची नोंदणी झाली होती. त्यातील ५३ हजार ४७३ शेतकऱ्यांना कर्जमाफीचा प्रत्यक्ष लाभ मिळणार आहे.
कर्जमुक्ती कोणाला मिळणार? पात्रतेच्या अटी
आधार प्रमाणीकरण करण्याचे उपनिबंधकांचे आवाहन कर्जमाफीच्या यादीत नाव असलेल्या शेतकऱ्यांनी आपल्या ३१ मार्च २०२६ पर्यंतच्या थकबाकीची खात्री करून नजीकच्या ‘आपले सरकार सेवा केंद्रात’ जाऊन लवकरात लवकर आधार प्रमाणीकरण (Aadhaar Authentication) पूर्ण करावे. आधार प्रमाणीकरण पूर्ण होताच शासनाकडून मंजूर झालेली कर्जमुक्तीची रक्कम थेट संबंधित शेतकऱ्यांच्या कर्जखात्यात जमा करण्यात येईल. तसेच १ एप्रिल २०२६ नंतरचे उर्वरित व्याज व इतर आकारणी पूर्णपणे माफ केली जाणार आहे.
दरम्यान, मयत शेतकरी तसेच वयोवृद्ध आणि हाताच्या बोटांचे ठसे न उमटणाऱ्या लाभार्थ्यांना अडचणी येऊ नयेत, यासाठी शासनाने १९ ऑगस्ट २०२६ रोजी विशेष मानक कार्यप्रणाली (SOP) लागू केली आहे. त्यामुळे चौथ्या यादीत नाव असलेल्या जिल्ह्यातील सर्व पात्र शेतकऱ्यांनी कोणतीही दिरंगाई न करता आपले आधार प्रमाणीकरण तत्काळ पूर्ण करून घ्यावे, असे आवाहन सहकार विभागाचे उपनिबंधक जयसिंग ठाकूर यांनी केले आहे.
प्रकाश हांडे हे News34.in चे संपादक असून चंद्रपूर, गडचिरोली व विदर्भातील राजकारण, गुन्हेगारी, सामाजिक आणि स्थानिक घडामोडींवर वृत्तांकन करतात. पत्रकारिता क्षेत्रातील अनेक वर्षांचा अनुभव असून ते डिजिटल न्यूज आणि तपास वृत्तांकनात सक्रिय आहेत.
