चंद्रपूर : Chandrapur Ganeshotsav Cultural Program अंतर्गत सांस्कृतिक कार्य विभाग, सांस्कृतिक कार्य संचालनालय आणि जिल्हा प्रशासनाच्या संयुक्त विद्यमाने प्रियदर्शिनी सांस्कृतिक सभागृहात कार्यक्रम मोठ्या दिमाखात पार पडला. सात वर्षीय कृष्णा गादेवार याने गणरायाचा गजर गाऊन सुरुवात केली, तर देवदत्त सातपुते, हितांशी भालेकर, विजेंद्र टेंभुर्डे यांच्यासह अनेक कलाकारांनी गायन, नृत्य व कथ्थक सादर केले. जिल्हाधिकारी वसुमना पंत यांच्या हस्ते दीपप्रज्वलन करून कार्यक्रमाची सुरुवात झाली. (चंद्रपुरात मद्यविक्री बंद, आदेश जारी, वाचा हि बातमी)
राज्य शासनाचा सांस्कृतिक कार्य विभाग, सांस्कृतिक कार्य संचालनालय आणि जिल्हा प्रशासन चंद्रपूर यांच्या संयुक्त विद्यमाने प्रियदर्शिनी सांस्कृतिक सभागृह येथे आयोजित ‘गणेशोत्सव सांस्कृतिक कार्यक्रम’ मोठ्या दिमाखात पार पडला. या कार्यक्रमात विविध कलाकारांनी आपल्या कलागुणांचे उत्कृष्ट सादरीकरण करून प्रेक्षकांची मने जिंकली.
प्रियदर्शिनी सभागृहात Chandrapur Ganeshotsav Cultural Program चा शुभारंभ
सात वर्षीय कृष्णा गादेवार याने गणरायाचा गजर गाऊन कार्यक्रमाची सुरुवात केली. यानंतर पुरुष आणि स्त्री यांचा एकत्रित आवाज काढत देवदत्त सातपुते यांनी आपल्या गायनातून उपस्थितांना मंत्रमुग्ध केले. हितांशी भालेकर या विद्यार्थिनीने नृत्य सादर केले तर विजेंद्र टेंभुर्डे आणि त्यांच्या कलाकारांनी कथ्थक चे सादरीकरण केले. विद्यानिकेतन स्कूलचे किरण गीते व सहकाऱ्यांनी समूह नृत्य, किरण खोब्रागडे व सहकाऱ्यांनी सामूहिक नृत्य, लोकमान्य टिळक गर्ल्स प्राथमिक शाळेच्या सुनीता नागभीडकर यांनी सुद्धा नृत्य केले.
कलाकारांचे गायन, नृत्य व कथ्थक सादरीकरण
चंद्रपूर शहर महानगरपालिकेचे अभियंता रवींद्र हजारे यांनी तसेच सुरेश भालेकर यांनी सुद्धा गीत सादर केले. उप कृषी अधिकारी ज्योती कार्लेकर यांनी एकपात्री अभिनय सादर केला. तर राजुरा येथील गोपिकाबाई सांगडा पाटील आश्रम शाळेच्या विद्यार्थ्यांनी समूह नृत्य सादर केले. मुल नगर परिषदेचे तुषार मोटघरे, बल्लारपूर नगर परिषदेच्या उपमुख्याधिकारी संगीता उमरे व प्रणाली पाटील यांनी सुद्धा नृत्य सादर केले. स्थानिक कलावंत, विद्यार्थी तसेच शासकीय अधिकारी कर्मचाऱ्यांनी एकापेक्षा एक सरस कलाविष्कार सादर करून रसिकांना मंत्रमुग्ध केले.
तत्पूर्वी जिल्हाधिकारी वसुमना पंत यांच्या हस्ते दीप प्रज्वलन करून कार्यक्रमाची सुरुवात करण्यात आली. यावेळी अपर जिल्हाधिकारी डॉ. नितीन व्यवहारे, उपविभागीय अधिकारी विशालकुमार मेश्राम, निवासी उपजिल्हाधिकारी दगडू कुंभार, उपजिल्हाधिकारी शुभम दांडेकर, अतुल जटाळे, उपमुख्य कार्यकारी अधिकारी मीना साळुंखे आदी उपस्थित होते.
कार्यक्रमाचे संचालन सपना पिंपळकर यांनी केले व रोहयो कार्यालयातील कर्मचारी व अधिकारी यांनी कार्यक्रमाचे आयोजन केले. यात नायब तहसीलदार गीता उत्तरवार , सहाय्यक कार्यक्रम अधिकारी विक्रांत जोशी, निशा मेश्राम, वैशाली बावनकर यांचा समावेश होता.
सादरीकरण करणाऱ्या कलावंतांना पारितोषिक व प्रमाणपत्र देऊन मान्यवरांच्या हस्ते सन्मानित करण्यात आले.
प्रकाश हांडे हे News34.in चे संपादक असून चंद्रपूर, गडचिरोली व विदर्भातील राजकारण, गुन्हेगारी, सामाजिक आणि स्थानिक घडामोडींवर वृत्तांकन करतात. पत्रकारिता क्षेत्रातील अनेक वर्षांचा अनुभव असून ते डिजिटल न्यूज आणि तपास वृत्तांकनात सक्रिय आहेत.
