चंद्रपूर गुन्हेगारांवर कारवाई मोहिमेची माहिती देताना पोलीस अधिकारी

चंद्रपूर पोलिसांची गुन्हेगारांविरुद्ध विशेष मोहीम; मकोका, एमपीडीए आणि तडीपारीची कारवाई

User avatar placeholder
Written by Prakash Hande

नोव्हेंबर 18, 2026

चंद्रपूर – चंद्रपूर गुन्हेगारांवर कारवाई करण्यासाठी जिल्हा पोलिसांनी विशेष मोहीम राबविली आहे. पोलीस अधीक्षक कार्यालयाच्या माहितीनुसार, मकोका, एमपीडीए, तडीपार आणि प्रतिबंधक कारवाया करण्यात आल्या. ही मोहीम पोलीस अधीक्षक आयुष नोपानी आणि अपर पोलीस अधीक्षक ईश्वर कातकडे यांच्या मार्गदर्शनाखाली सुरू आहे. (चंद्रपुरातील शिर प्रकरणाचा उलगडा, वाचा बातमी)

पोलिसांची विशेष मोहीम कशासाठी? चंद्रपूर गुन्हेगारांवर कारवाई

जिल्ह्यात डोके वर काढणाऱ्या गुन्हेगारी प्रवृत्तीला कठोर कायदेशीर चाप लावण्यासाठी चंद्रपूर जिल्हा पोलिसांनी आता अत्यंत आक्रमक भूमिका घेतली आहे. सामान्य नागरिकांमध्ये आपली दहशत निर्माण करून सातत्याने गुन्हेगारी कारवाया चालवणाऱ्या आणि कायद्याला धाब्यावर बसवणाऱ्या सराईत गुन्हेगार, कुख्यात चोर, गोवंश तस्कर, मादक पदार्थ विक्रेते तसेच धोकादायक व्यक्तींवर पोलीस अधीक्षक चंद्रपूर यांनी धडक प्रतिबंधक कारवाईची विशेष मोहीम उघडली आहे. चंद्रपूर गुन्हेगारांवर कारवाई या धडक मोहिमेमुळे जिल्ह्यामधील गुन्हेगारी वर्तुळात प्रचंड खळबळ उडाली असून, कायदा व सुव्यवस्था अबाधित ठेवण्याच्या दृष्टीने पोलिसांनी घेतलेल्या या भूमिकेचे सर्वत्र स्वागत होत आहे.

चंद्रपूर पोलिसांकडून प्राप्त अधिकृत माहितीनुसार, पोलीस अधीक्षक आयुष नोपानी आणि अपर पोलीस अधीक्षक ईश्वर कातकडे यांच्या मार्गदर्शनाखाली ही व्यापक मोहीम राबविण्यात येत आहे. जिल्हयात शांतता व सुव्यवस्था कायम राहावी यासाठी चंद्रपूर पोलीस अभिलेखावरील अशा कुख्यात गुन्हेगारांची कसून कुंडली तपासण्यात आली, ज्यांच्यावर विविध पोलीस ठाण्यांतर्गत गंभीर गुन्हे दाखल असूनही त्यांच्या वर्तनात सुधारणा झालेली नव्हती. वेळोवेळी प्रतिबंधक कारवाई करूनही हे आरोपी कायद्याला अजिबात जुमानत नसल्याचे निदर्शनास आल्यावर, पोलीस प्रशासनाने थेट कठोर कायदेशीर अस्त्रे उगारली आहेत.

मकोका कारवाईत ७ टोळ्या, चंद्रपूर गुन्हेगारांवर कारवाई

या विशेष मोहिमेअंतर्गत पोलिसांनी केलेली आकडेवारी थरारक आणि गुन्हेगारांचे धाबे दणाणून सोडणारी आहे. मकोका (MCOCA) कायद्याचा बडगा उगारत पोलिसांनी एकूण ७ गुन्हेगारी गॅग्जमधील ५४ सराईत इसमांवर कठोर कारवाई केली आहे. यात गोवंश तस्करी करणारे २, मादक पदार्थांची विक्री करणारे १, मालमत्तेविरुद्ध गुन्हे करणारे १ आणि शरीराविरुद्ध गंभीर गुन्हे करणाऱ्या ३ इसमांचा समावेश आहे. तसेच, समाजविघातक आणि धोरणी गुन्हेगारांवर अंकुश ठेवण्यासाठी ‘एमपीडीए’ (MPDA) कायद्यान्वये ७ प्रस्ताव सादर करून ७ कुख्यात इसमांना थेट स्थानबद्ध करण्यात आले आहे.

एमपीडीए आणि तडीपारीची कारवाई, चंद्रपूर गुन्हेगारांवर कारवाई

केवळ मकोका आणि एमपीडीएवर न थांबता पोलिसांनी तडीपारीचीही मोठी कारवाई केली आहे. महाराष्ट्र पोलीस कायद्याच्या कलम ५५ अन्वये ५ प्रस्ताव दाखल करत १९ इसमांना तडीपार करण्यात आले आहे, तर कलम ५६ व ५७ नुसार तब्बल १६० प्रस्ताव सादर करून ६९ सराईत गुन्हेगारांना जिल्ह्यातून किंवा संबंधित परिसरातून हद्दपार करण्यात आले आहे. याशिवाय, सार्वजनिक शांतता भंग करणाऱ्या आणि गुन्हेगारी प्रवृत्तीच्या लोकांवर भारतीय न्याय संहितेच्या (BNS) कलम १२६ व १२९ अंतर्गत तब्बल १२,११० प्रकरणे दाखल करत ३,८९४ इसमांकडून प्रतिबंधक बॉन्ड भरून घेण्यात आले आहेत. या मोहिमेत ३ लाख २५ हजार रुपयांचा दंड वसूल करण्यात आला असून, अटी व शर्तींचे उल्लंघन करणाऱ्या ४ सराव करणाऱ्या इसमांना थेट तुरुंगात डांबण्यात आले आहे.

सदरची ही धडक आणि ऐतिहासिक कारवाई पोलीस अधीक्षक आयुष नोपानी, अपर पोलीस अधीक्षक ईश्वर कातकडे यांच्या मार्गदर्शनाखाली स्थानिक गुन्हे शाखेचे पोलीस निरीक्षक अमोल काचोरे तसेच चंद्रपूर जिल्ह्यातील सर्व पोलीस ठाण्यांच्या ठाणेदारांनी अत्यंत समन्वय व धाडसाने पार पाडली आहे. पोलिसांच्या या कठोर भूमिकेमुळे गुन्हेगारांचे धाबे दणाणले असून, सर्वसामान्यांमध्ये पोलिसांबद्दलचा विश्वास अधिक दृढ झाला आहे.

📢 NEWS34 WhatsApp Channel

ताज्या बातम्या सर्वात आधी मिळवण्यासाठी आमच्या WhatsApp Channel ला Follow करा.

✅ Follow Now
Image placeholder

प्रकाश हांडे हे News34.in चे संपादक असून चंद्रपूर, गडचिरोली व विदर्भातील राजकारण, गुन्हेगारी, सामाजिक आणि स्थानिक घडामोडींवर वृत्तांकन करतात. पत्रकारिता क्षेत्रातील अनेक वर्षांचा अनुभव असून ते डिजिटल न्यूज आणि तपास वृत्तांकनात सक्रिय आहेत.

2 thoughts on “चंद्रपूर पोलिसांची गुन्हेगारांविरुद्ध विशेष मोहीम; मकोका, एमपीडीए आणि तडीपारीची कारवाई”

Leave a Comment