चंद्रपूर शहरात मोकाट जनावरे आणि कुत्रे पकडण्याची मनपाची धडक मोहीम

चंद्रपूर : चंद्रपूर शहरातील नागरिकांच्या सुरक्षेसाठी एक अत्यंत महत्त्वाची (Chandrapur Stray Animal Campaign) मोहीम सुरू झाली आहे. शहरातील वाहतूक कोंडी, वाढते अपघात आणि सार्वजनिक आरोग्य लक्षात घेऊन चंद्रपूर महानगरपालिकेने मोकाट जनावरे व मोकाट श्वान पकडण्याची विशेष धडक मोहीम हाती घेतली आहे. मनपा आयुक्त यांच्या थेट मार्गदर्शनाखाली विशेष पथके शहरातील विविध भागांत दररोज कडक कारवाई करत आहेत. (रामबाग मैदानाची दुरावस्था, नगरसेवक देशमुख यांनी केली पाहणी)

शहरातील नागरिकांची सुरक्षितता, वाहतूक व्यवस्थेची सुरळीतता आणि सार्वजनिक आरोग्याच्या दृष्टीने चंद्रपूर महानगरपालिकेमार्फत मोकाट जनावरे व मोकाट श्वान पकडण्याची विशेष धडक मोहीम सुरू करण्यात आली आहे.

Chandrapur Stray Animal Campaign : मनपा प्रशासनाचा मोठा निर्णय

महानगरपालिका आयुक्त यांच्या मार्गदर्शनाखाली संबंधित विभागाच्या पथकांकडून शहरातील विविध भागांत दररोज मोकाट जनावरे व मोकाट श्वान पकडण्याची कार्यवाही करण्यात येत आहे. रस्त्यांवर मोकाट फिरणाऱ्या जनावरांमुळे अपघात, वाहतूक कोंडी तसेच नागरिकांना होणारा त्रास टाळण्यासाठी ही मोहीम प्रभावीपणे राबविण्यात येत आहे.

महानगरपालिका नागरिकांना आवाहन करते की, पाळीव जनावरे रस्त्यावर मोकाट सोडू नयेत. नियमांचे उल्लंघन करणाऱ्यांविरुद्ध लागू नियमांनुसार कारवाई करण्यात येईल. तसेच शहरात मोकाट जनावरे किंवा मोकाट श्वान आढळल्यास त्याची माहिती महानगरपालिकेला द्यावी, जेणेकरून संबंधित पथक तात्काळ आवश्यक कार्यवाही करू शकेल.

चंद्रपूर शहर स्वच्छ, सुरक्षित व अपघातमुक्त ठेवण्यासाठी सर्व नागरिकांनी महानगरपालिकेच्या या मोहिमेस सहकार्य करावे, असे आवाहन करण्यात आले आहे.