वरोरा:Chandrapur Warora House Theft प्रकरणात वरोऱ्यात भरदिवसा बंद घर फोडण्यात आले. विधाते ले-आऊटमध्ये ही घटना घडली. चोरट्यांनी सोन्याचे दागिने आणि रोख रक्कम लंपास केली. चोरीच्या मुद्देमालाची एकूण किंमत १ लाख २५ हजार रुपये आहे. घरमालक सुशांत आगलावे यांच्या तक्रारीवरून वरोरा पोलिसांनी गुन्हा दाखल केला आहे. दुपारी १२ ते ४ या काळात घर बंद होते. याच कालावधीत घराचे कुलूप तोडण्यात आले. पोलिसांनी परिसरातील सीसीटीव्ही फुटेज तपासण्यास सुरुवात केली आहे. (हे हि वाचा – एम्बुलन्सची तोडफोड, डॉक्टरांना धमकी)
Chandrapur Warora House Theft प्रकरणात किती रक्कम चोरीला?
वरोरा शहरातील विधाते ले-आऊट परिसरात भरदिवसा घरफोडीची घटना घडली असून, अज्ञात चोरट्यांनी बंद घराचा कडी-कोंडा तोडून सुमारे १ लाख २५ हजार रुपयांचे सोन्याचे दागिने आणि रोख रक्कम पळवून नेली आहे. ही घटना मंगळवारी दुपारी १२ ते ४ या चार तासांच्या कालावधीत घडली. या प्रकरणी घरमालक सुशांत गोपाल आगलावे यांच्या तक्रारीवरून वरोरा पोलीस ठाण्यात अज्ञात आरोपीविरुद्ध गुन्हा दाखल करण्यात आला आहे.
वरोऱ्यात भरदिवसा बंद घरात घरफोडी
मिळालेल्या माहितीनुसार, अंबादेवी वार्डच्या मागे असलेल्या विधाते ले-आऊट परिसरातील रहिवासी सुशांत आगलावे (वय ३०) हे मंगळवारी सकाळी घरात उपस्थित होते. सकाळी साडेसातच्या सुमारास त्यांच्या बहिणीला नागपूरला जाण्यासाठी त्यांनी रत्नमाला चौकात सोडले. त्यानंतर साडेदहा वाजेच्या सुमारास आई सुनिता आगलावे यांना मोहबाळा येथील मामाच्या घरी सोडून ते परत घरी आले. दुपारी १२ वाजेपर्यंत सुशांत घरातच होते, त्यानंतर घराच्या मुख्य दरवाजाला व्यवस्थित कुलूप लावून ते वरोरा येथील महाकाल गणेश मंडळात मित्रांना भेटण्यासाठी आणि त्यानंतर व्होल्टेज कॉलनी येथील मित्राच्या घरी गेले होते.
दरम्यान, दुपारी ४ वाजताच्या सुमारास त्यांची आई मामाच्या गावाहून घरी परतली असता तिला घराचा मुख्य दरवाजा उघडा दिसला. दरवाज्याचा कडी-कोंडा आणि कुलूप तुटलेल्या अवस्थेत आढळल्याने घरात चोरी झाल्याचे तिच्या लक्षात आले. तिने तात्काळ मुलगा सुशांतला फोन करून बोलावून घेतले आणि पोलिसांना घटनेची माहिती देण्यात आली. आगलावे कुटुंबीयांनी घरात जाऊन पाहिले असता, बेडरूममध्ये ठेवलेल्या लोखंडी गोदरेज कपाटाचे कुलूप तोडून दोन्ही दरवाजे उघडे होते आणि कपाटातील कपडे व इतर साहित्य अस्ताव्यस्त फेकलेले दिसून आले. कपाटातील साड्यांमध्ये लपवून ठेवलेली सोन्याचे दागिने असलेली छोटी पर्स आणि १० हजार रुपयांची रोकड असलेली मोठी पर्स गायब होती.
चोरट्यांनी कपाटातून ५ ग्रॅम वजनाची सोन्याची बदामी अंगठी (किंमत ५० हजार रुपये), ३ ग्रॅम वजनाची सोन्याची अंगठी (किंमत ३० हजार रुपये), अडीच ग्रॅम वजनाची कानातील सोन्याची बिंदी-लटकन (किंमत २५ हजार रुपये), १ ग्रॅम वजनाचे सोन्याचे ओम लॉकेट (किंमत १० हजार रुपये) असा एकूण १ लाख १५ हजार रुपयांचा सोन्याचा ऐवज आणि कपाटातील पर्समध्ये ठेवलेले रोख १० हजार रुपये असा एकूण १ लाख २५ हजार रुपयांचा मुद्देमाल लंपास केला.
घर बंद असल्याचा गैरफायदा घेऊन भरदिवसा चोरी करणाऱ्या अज्ञात चोरट्याविरुद्ध वरोरा पोलीस ठाण्यात भारतीय न्याय संहिता (BNS) २०२३ चे कलम ३०५(अ) आणि ३३१(३) अन्वये गुन्हा नोंदवण्यात आला आहे. ठाणे प्रभारी अधिकारी ओमप्रकाश सोनटक्के यांच्या मार्गदर्शनाखाली पोलीस उपनिरीक्षक किशोर मिट्टलवार या गुन्ह्याचा पुढील तपास करत असून परिसरातील सीसीटीव्ही कॅमेऱ्यांची तपासणी केली जात आहे.
प्रकाश हांडे हे News34.in चे संपादक असून चंद्रपूर, गडचिरोली व विदर्भातील राजकारण, गुन्हेगारी, सामाजिक आणि स्थानिक घडामोडींवर वृत्तांकन करतात. पत्रकारिता क्षेत्रातील अनेक वर्षांचा अनुभव असून ते डिजिटल न्यूज आणि तपास वृत्तांकनात सक्रिय आहेत.
