चिमूर – कोटगाव अन्नातून विषबाधा झाल्याची घटना चिमूर तालुक्यात समोर आली आहे. सार्वजनिक कार्यक्रमानंतर उरलेले अन्न खाल्ल्याने १३ जणांची प्रकृती बिघडली. बाधित रुग्णांना आधी जांभूळघाट प्राथमिक आरोग्य केंद्रात नेण्यात आले. तेथून त्यांना चिमूर उपजिल्हा रुग्णालयात हलवण्यात आले. रुग्णालयाचे अधीक्षक डॉ. अश्विन अगडे यांच्या माहितीनुसार, १० रुग्णांची प्रकृती सुधारली आहे. तिघांना अजूनही ताप आहे. (खात्यातून पैसे काढण्यासाठी निर्मल उज्वल सहकारी संस्थेवर दबावतंत्राचा वापर, वाचा बातमी)
कोटगाव अन्नातून विषबाधा कशी झाली?
चंद्रपूर जिल्ह्यातील चिमूर तालुक्यातील कोटगाव येथे सार्वजनिक कार्यक्रमातील उरलेले शिळे अन्न खाल्ल्याने १३ जणांना अन्नातून विषबाधा झाल्याची गंभीर घटना समोर आली असून, यामुळे गावात एकच खळबळ उडाली असून नागरिकांमध्ये भीतीचे वातावरण निर्माण झाले आहे. मिळालेल्या माहितीनुसार, कोटगाव येथे पार पडलेल्या एका सार्वजनिक कार्यक्रमानंतर उरलेले अन्न खाल्ल्याने अनेकांची प्रकृती अचानक बिघडली.
विषबाधेची तीव्र लक्षणे दिसू लागल्याने बाधित रुग्णांनी तातडीने जांभूळघाट येथील प्राथमिक आरोग्य केंद्र गाठले. मात्र, रुग्णांच्या प्रकृतीचे गांभीर्य लक्षात घेत तेथील डॉक्टरांनी तात्काळ सर्वांना पुढील उपचारासाठी चिमूर येथील उपजिल्हा रुग्णालयात हलविले.
या घटनेची माहिती मिळताच चिमूर उपजिल्हा रुग्णालयाचे अधीक्षक डॉ. अश्विन अगडे यांनी सर्व १३ही रुग्णांना रुग्णालयात दाखल करून घेत वैद्यकीय पथकाच्या माध्यमातून तातडीने उपचार सुरू केले. सध्या डॉक्टर आणि परिचारिकांचे पथक सर्व रुग्णांच्या प्रकृतीवर बारकाईने लक्ष ठेवून असून, उपचार घेत असलेल्या १३ रुग्णांपैकी १० जणांची प्रकृती आता बऱ्याच अंशी सुधारली आहे; परंतु तिघांना अद्यापही तापाचा त्रास जाणवत आहे. सर्व रुग्णांवर योग्य आणि उत्तम उपचार सुरू असल्याची माहिती उपजिल्हा रुग्णालयाचे अधीक्षक डॉ. अश्विन अगडे यांनी दिली असून या घटनेमुळे अन्न सुरक्षेचा प्रश्न पुन्हा एकदा ऐरणीवर आला आहे.
प्रकाश हांडे हे News34.in चे संपादक असून चंद्रपूर, गडचिरोली व विदर्भातील राजकारण, गुन्हेगारी, सामाजिक आणि स्थानिक घडामोडींवर वृत्तांकन करतात. पत्रकारिता क्षेत्रातील अनेक वर्षांचा अनुभव असून ते डिजिटल न्यूज आणि तपास वृत्तांकनात सक्रिय आहेत.
1 thought on “अन्नातून विषबाधा; १३ रुग्ण उपजिल्हा रुग्णालयात दाखल”