शेतातील शेडखाली जुगार; गडचांदूर पोलिसांच्या धाडीत चौघे ताब्यात

चंद्रपूर / कोरपना (गडचांदूर): गडचांदूर पोलीस जुगार धाड प्रकरणात चार आरोपींना ताब्यात घेण्यात आले आहे. गडचांदूर पोलीस ठाण्याच्या हद्दीतील घोडामगुडा शेतशिवारात लोखंडी शेडखाली जुगार सुरू असल्याची माहिती मिळाली होती. ५ ऑक्टोबर २०२६ रोजी दुपारी पोलिसांनी छापा टाकला. या कारवाईत रोख रक्कम आणि ताशपत्ते असा २,९०० रुपयांचा मुद्देमाल जप्त करण्यात आला. याप्रकरणी ६ ऑक्टोबर २०२६ रोजी महाराष्ट्र जुगार प्रतिबंधक कायद्याच्या कलम १२(अ) अन्वये गुन्हा दाखल झाला. (जुगार अड्ड्यावर पोलिसांचा छापा, लाखोंचा मुद्देमाल जप्त, वाचा हि बातमी)

गडचांदूर पोलीस जुगार धाड : घोडामगुडा शिवारात नेमके काय घडले?

मिळालेल्या माहितीनुसार, ५ ऑक्टोबर २०२६ रोजी दुपारच्या सुमारास गडचांदूर पोलीस ठाण्याचे पथक हद्दीत अवैध धंद्यांवर कारवाई करण्यासाठी गस्त घालत होते. या दरम्यान घोडामगुडा रस्त्यालगत असलेल्या अजमुद्दीन खाजा शेख यांच्या शेतातील लोखंडी शेडखाली काही इसम ताशपत्त्यांवर पैशांची बाजी लावून जुगार खेळत असल्याची पक्की बातमी पोलिसांना मिळाली. या माहितीच्या आधारे पोलीस पथकाने दोन स्वतंत्र पंचांना सोबत घेऊन गुप्तपणे घटनास्थळी जाऊन अचानक छापा टाकला.

पोलिसांनी टाकलेल्या या छाप्यात अमोल भगवान वाघमारे (वय ३५), अनिल रोहीत चौधरी (वय २२), अर्जुन बलभीम काळे (वय २९) आणि योगेश चंद्रशेखर येवले (वय २७, सर्व रा. वार्ड क्र. ४, गडचांदूर, ता. कोरपना) हे चारही आरोपी ५२ ताशपत्त्यांवर पैशांची हार-जीतचा जुगार खेळताना रंगेहात आढळून आले.

पोलिसांनी पंचांसमक्ष आरोपींची अंगझडती घेतली असता, अमोल वाघमारे याच्याकडून ५५० रुपये, अनिल चौधरी याच्याकडून ४५० रुपये, अर्जुन काळे याच्याकडून ६०० रुपये आणि योगेश येवले याच्याकडून ४५० रुपये रोख जप्त करण्यात आले. तसेच जुगाराच्या डावावरून ८०० रुपये रोख आणि ५० रुपये किमतीचे ताश पत्ते असा एकूण २ हजार ९०० रुपयांचा मुद्देमाल जप्त करण्यात आला आहे.

या कारवाईनंतर ६ ऑक्टोबर २०२६ रोजी तक्रारदार पोलीस हवालदार दिवाकर दीपचंद पवार (ब.नं. १४४४) यांच्या फिर्यादीवरून गडचांदूर पोलिसांनी चारही आरोपींविरोधात महाराष्ट्र जुगार प्रतिबंधक कायद्याच्या कलम १२(अ) अन्वये गुन्हा दाखल केला आहे. ठाणेदार प्रमोद बानबले यांच्या मार्गदर्शनाखाली पोलीस हवालदार दिवाकर पवार या प्रकरणाचा पुढील तपास करत आहेत.