वरोरा : वरोरा तालुक्यात (Warora Illegal Weapon Case) चंद्रपूर जिल्हा स्थानिक गुन्हे शाखेने अवैध शस्त्रांविरुद्ध मोठी कारवाई केली आहे. हुडकी (चिनोरा) परिसरात विनापरवाना धारदार लोखंडी तलवार बाळगणाऱ्या एका १७ वर्षीय विधिसंघर्ष बालकाला पोलिसांनी तातडीने ताब्यात घेतले आहे. या धडक कारवाईमुळे वरोरा आणि हुडकी भागात मोठी खळबळ उडाली आहे. वरोरा पोलीस ठाण्यात याप्रकरणी भारतीय शस्त्र अधिनियमानुसार गुन्हा दाखल करण्यात आला आहे. (मालमत्तेच्या वादातून चंद्रपुरात ६० वर्षीय महिलेवर जीवघेणा हल्ला)
Warora Illegal Weapon Case : काय आहे संपूर्ण प्रकरण?
चंद्रपूर जिल्ह्यात अवैध शस्त्र बाळगणाऱ्यांविरोधात पोलीस प्रशासनाने सुरू केलेल्या विशेष मोहिमेअंतर्गत स्थानिक गुन्हे शाखेने वरोरा तालुक्यात धडक कारवाई करत अवैधरित्या धारदार लोखंडी तलवार बाळगणाऱ्या एका विधिसंघर्षग्रस्त बालकाला ताब्यात घेतले आहे. या कारवाईमुळे परिसरात खळबळ उडाली असून अवैध शस्त्र बाळगणाऱ्यांवर पोलिसांनी कडक कारवाईचा इशारा दिला आहे.
पोलिसांकडून मिळालेल्या माहितीनुसार, दि. ७ जुलै २०२६ रोजी स्थानिक गुन्हे शाखेच्या वरोरा उपविभागीय पथकाला पोलीस स्टेशन वरोरा हद्दीतील हुडकी (चिनोरा) परिसरात एक इसम विनापरवाना धारदार लोखंडी तलवार बाळगून फिरत असल्याची गोपनीय माहिती प्राप्त झाली होती. या माहितीची शहानिशा करून पथकाने तातडीने सापळा रचत संबंधित ठिकाणी छापा टाकला.
कारवाईदरम्यान पोलिसांनी १७ वर्षीय विधिसंघर्षग्रस्त बालकाच्या ताब्यातून एक धारदार लोखंडी तलवार जप्त केली. जप्त करण्यात आलेल्या तलवारीची अंदाजे किंमत ७०० रुपये असल्याचे पोलिसांनी सांगितले. संबंधिताकडे शस्त्र बाळगण्याचा कोणताही वैध परवाना नसल्याचे तपासात निष्पन्न झाले.
या प्रकरणी पोलीस स्टेशन वरोरा येथे अपराध क्रमांक ७९३/२०२६ नोंदविण्यात आला असून भारतीय शस्त्र अधिनियमाच्या कलम ४ व २५ अन्वये गुन्हा दाखल करण्यात आला आहे. पुढील तपास वरोरा पोलीस करीत आहेत.
जिल्ह्यात कायदा व सुव्यवस्था अबाधित राखण्यासाठी तसेच अवैध शस्त्र बाळगणाऱ्यांवर अंकुश ठेवण्यासाठी स्थानिक गुन्हे शाखेकडून सातत्याने विशेष मोहीम राबविण्यात येत आहे. अशा प्रकारच्या कारवायांमुळे गुन्हेगारी प्रवृत्तीवर आळा बसण्यास मदत होणार असल्याचे पोलिसांकडून सांगण्यात आले. यापूर्वीही स्थानिक गुन्हे शाखेने विविध अवैध कृत्यांविरोधात धडक कारवाया केल्या असून ही कारवाई त्याच मोहिमेचा एक भाग असल्याचे मानले जात आहे.
पोलीस प्रशासनाने नागरिकांना अवैध शस्त्र बाळगणे, विक्री करणे किंवा संशयास्पद हालचाली आढळल्यास तातडीने पोलिसांना माहिती देण्याचे आवाहन केले आहे. नागरिकांच्या सहकार्यामुळे अशा बेकायदेशीर कृत्यांवर प्रभावी नियंत्रण मिळविणे शक्य होणार असल्याचे पोलिसांनी स्पष्ट केले.
प्रकाश हांडे हे News34.in चे संपादक असून चंद्रपूर, गडचिरोली व विदर्भातील राजकारण, गुन्हेगारी, सामाजिक आणि स्थानिक घडामोडींवर वृत्तांकन करतात. पत्रकारिता क्षेत्रातील अनेक वर्षांचा अनुभव असून ते डिजिटल न्यूज आणि तपास वृत्तांकनात सक्रिय आहेत.
