News34 chandrapur
चंद्रपूर – चंद्रपूर जिल्हा प्रशासनाने लॉयड्स मेंटल स्पेन आर्यन अँड पॉवर कंपनीच्या CSR कार्याची चौकशी करण्याचे आदेश दिले आहेत. दिनेश चोखारे यांच्या मागणीची दखल घेत जिल्हाधिकारी कार्यालयाने याबाबत एक पत्र जारी केले आहे.
या पत्रात म्हटले आहे की, श्री. दिनेश दादाजी चोखारे यांनी 18 ऑगस्ट 2023 रोजी जिल्हाधिकारी कार्यालयात एक तक्रार दाखल केली होती. त्यात त्यांनी कंपनीने CSR फंडातून केलेल्या खर्चाबद्दल चौकशीची मागणी केली होती.
या तक्रारीची दखल घेत, जिल्हाधिकारी कार्यालयाने जिल्हा उद्योग केंद्राला चौकशी करण्याचे आदेश दिले आहेत. कंपनीने 2013 पासून आजपर्यंत CSR फंडातून केलेल्या खर्चाची माहिती आणि त्या खर्चातून केलेल्या कार्याची माहिती जिल्हाधिकारी कार्यालयाला सादर करावी, असे आदेशात म्हटले आहे.
या चौकशीचे निष्कर्ष आल्यानंतर त्याबाबत पुढील कार्यवाही केली जाईल, असे जिल्हाधिकारी कार्यालयाने स्पष्ट केले
आहे.