Monday, May 27, 2024
Homeक्रीडागृहमंत्री देवेंद्र फडणवीस यांचा संवेदनशीलपणा

गृहमंत्री देवेंद्र फडणवीस यांचा संवेदनशीलपणा

समाजमाध्यमांवर फडणवीस यांचं कौतुक

- Advertisement -
- Advertisement -

News34 chandrapur

मुंबई/वृत्तसेवा – राज्यातील दिव्यांग बांधवांना दैनंदिन जीवनात अनेक अडचणींना सामोरे जावे लागते, मात्र मदतीच्यावेळी जेव्हा कुणी समाजमाध्यमाची मदत घेतात त्यावेळी त्यांना काय अनुभव येतो हे एका ताज्या उदाहरणातून समोर आलेले आहे.

 

दिव्यांग तरुणी विवाह करण्यासाठी नोंदणी कार्यालयात गेली पण कार्यालय दुसऱ्या मजल्यावर होते, जाण्यासाठी लिफ्ट नव्हती, विवाह नोंदणी च्या कागदपत्रांवर सही त्या तरुणीचे हस्ताक्षर हवे मात्र खाली यायला कुणी तयार नव्हते, त्यावेळी त्या तरुणीने ट्वीटर आताचे x ची मदत घेतली आणि तात्काळ त्या तरुणीच्या समस्येवर गृहमंत्री देवेंद्र फडणवीसांनी दखल घेत तात्काळ यंत्रणेला कामाला लावले.

 

16 ऑक्टोम्बर ला मुंबई भागातील खार येथील विवाह नोंदणी कार्यालयात गेलेल्या वीराली मोदी या तरुणीला हा अनुभव आला, विराली ही दिव्यांग मॉडेल म्हणून काम करते, ती व्हीलचेअर वर विवाह नोंदणी कार्यालयातील इमारतीजवळ दाखल झाली, मात्र नोंदणी कार्यालय दुसऱ्या मजल्यावर होते, कार्यालयात जाण्यासाठी लिफ्ट ची व्यवस्था नव्हती.

 

विवाहासाठी विराली च्या हस्ताक्षराची गरज होती, मात्र वर जाण्यासाठी होत असलेला त्रास बघता कार्यालयातून कागदपत्रे खाली आणावे व हस्ताक्षर घेण्यात यावे अशी मागणी विराली ने केली मात्र कुणी यायला तयार नव्हते.

 

विराली ने होत असलेल्या त्रासाची तक्रार थेट ट्विट करीत x वर राज्याचे उपमुख्यमंत्री, गृहमंत्री देवेंद्र फडणवीस यांना टॅग करीत केली, आधी वाटलं की गृहमंत्री उत्तर देतील काय? मात्र एक जनप्रतिनिधींचा संवेदनशील पणा काय असतो याचा अनुभव काही क्षणात विराली ला आला.

 

गृहमंत्री देवेंद्र फडणवीस यांनी तात्काळ त्या ट्विट ची दखल घेत, विवाह नोंदणी अधिकाऱ्यांना कामाला लावत संपूर्ण यंत्रणा हलवून टाकली, अधिकारी तात्काळ विराली जवळ पोहचत त्यांना होत असलेल्या त्रासाबद्दल माफी मागत विवाह नोंदणी प्रक्रिया पार पाडली.

 

गृहमंत्री फडणवीस यांनी आधी नम्रपणे विराली ला झालेल्या त्रासाबद्दल माफी मागत यापुढे असा त्रास कुणाला होऊ नये याची पुढे दखल घेतल्या जाणार असे आश्वासन दिले, त्यांनतर विराली ने विवाह प्रक्रिया पार पडल्यावर लग्नाचे फोटो पुन्हा ट्विट करीत गृहमंत्री देवेंद्र फडणवीस यांचे आभार मानले.

फडणवीस यांनी विराली ला लग्नाच्या शुभेच्छा दिल्या, पुढे याबाबत काळजी घेतल्या जाणार असे आश्वासन सुद्धा दिले.

RELATED ARTICLES

Recent News

Most Popular

error: Content is protected !!