Monday, May 27, 2024
Homeग्रामीण वार्ताकोरपना तहसील वर धडकला शेतकऱ्यांचा भव्य मोर्चा

कोरपना तहसील वर धडकला शेतकऱ्यांचा भव्य मोर्चा

विविध मागण्यांसाठी धडकला मोर्चा

- Advertisement -
- Advertisement -

News34 chandrapur

कोरपना – शेतकरी संघटना, शेतकरी महिला आघाडी , शेतकरी युवा आघाडी व स्वतंत्र भारत पक्ष तालुका कोरपना च्या वतीने भव्य शेतकरी मोर्चा शुक्रवार दिनांक ३ ला शेतकरी नेते , माजी आमदार अड वामनराव चटप यांचे नेतृत्वात तहसील कचेरीवर धडकला.

 

अतिवृष्टीत पंचनामा झालेल्या शेतकऱ्यांना तातडीने नुकसान भरपाई देण्यात यावी , खरवडून गेलेल्या शेतीला एकरी 50 हजार रुपये नुकसान भरपाई देण्यात यावी, परसोडा येथील प्रकल्पग्रस्ताच्या मागण्या पूर्ण करण्यात याव्या, अतिक्रमण धारक शेतकऱ्यांना पट्टे देण्यात यावे, शेती पंपाला पूर्ण दाबाचा वीज पुरवठा करण्यात यावा, केंद्र सरकारने विदर्भ राज्य ची तातडीने निर्मिती करावी, गडचांदूर आदीलाबाद रेल्वे मार्गाचे काम सुरू करण्यात यावे, जिल्हा परिषद शाळेचे खाजगीकरण करू नये आदीसह 15 मागण्याचे निवेदन तहसीलदार कोरपना यांना देण्यात आले.

 

या मोर्चाला शेतकरी संघटनेचे जिल्हाध्यक्ष अरुण पाटील नवले , माजी समाज कल्याण सभापती निळकंठ कोरांगे, डॉ. भास्करराव मुसळे, माजी पंचायत समिती सदस्य रमाकांत मालेकर, मदन सातपुते, कृषी उत्पन्न बाजार समितीचे संचालक सुनील बावणे , अरुण रागीट,विकास दिवे, दशरथ बोबडे, शेतकरी संघटनेचे तालुकाध्यक्ष अड श्रीनिवास मुसळे, स्वतंत्र भारत पक्षाचे तालुकाध्यक्ष नरेश सातपुते , बंडू राजूरकर ,सुभाष तुरानकर , प्रवीण गुंडावार अनंता गोडे,भास्कर मत्ते ,रवी गोखरें, शब्बीर जहागीरदार, पद्माकर मोहितकर, रत्नाकर चटप , सचिन बोंडे, विजय धानोरकर आदीसह मोठ्या संख्येने शेतकरी – शेतमजुर उपस्थित होते.

RELATED ARTICLES

Recent News

Most Popular

error: Content is protected !!