जेवणाच्या प्लेटमधील तेलावरून वाद, दोघांवर हल्ला

सावली : सावली मारहाण प्रकरणी सावली पोलीस ठाण्यात दोन भावांविरुद्ध गुन्हा दाखल झाला आहे. वास्तुशांतीच्या कार्यक्रमातील जेवणात तेल जास्त असल्याच्या कारणावरून वाद झाल्याचे फिर्यादीने तक्रारीत म्हटले आहे. फिर्यादीच्या तक्रारीनुसार, ६ नोव्हेंबर २०२६ रोजी रात्री आठच्या सुमारास सावली येथे ही घटना घडली. त्यात दोघे जखमी झाले. पोलिसांनी भारतीय न्याय संहितेच्या संबंधित कलमांन्वये गुन्हा नोंदवला आहे. (नागपुरातील बकरी चोरांवर चंद्रपुरात कारवाई, वाचा बातमी)

जिल्ह्यातील सावली (मारहाण) शहरात एका नवीन घराच्या वास्तुशांती कार्यक्रमादरम्यान जेवणाच्या प्लेटमध्ये जास्त तेल असल्याच्या क्षुल्लक कारणावरून दोन गटात तुफान हाणामारी झाल्याची घटना समोर आली आहे. जेवणाबाबत जा विचारणा केल्याच्या राग मनात धरून कॅटरिंग चालकाच्या दोन भावांनी तक्रारदार व त्याच्या चुलत भावाला लाकडी काठीने आणि हाता-बुक्क्यांनी बेदम मारहाण करत गंभीर दुखापत केली. याप्रकरणी सावली पोलीस ठाण्यात दोन्ही आरोपींविरुद्ध भारतीय न्याय संहितेच्या (भा.न्या.सं.) विविध कलमांन्वये गुन्हा दाखल करण्यात आला असून, या घटनेमुळे परिसरात एकच खळबळ उडाली आहे.

सावली मारहाण: वास्तुशांतीच्या जेवणात नेमके काय घडले?

पोलिसांकडून मिळालेल्या सविस्तर माहितीनुसार, फिर्यादी नाना अशोक मेडपल्लीवार (वय ३२ वर्ष, रा. शिगांपुर, ता. सावली) यांनी सावली पोलीस ठाण्यात येऊन तोंडी तक्रार नोंदवली आहे. फिर्यादी यांचे चुलत भाऊ रोहित शंकर मेडपल्लीवार यांचे सावली येथील वॉर्ड क्रमांक ७ मध्ये नवीन घर असून, गत ६ नोव्हेंबर २०२६ रोजी या नवीन घराचा वास्तुशांतीचा कार्यक्रम आयोजित करण्यात आला होता. या धार्मिक व पारिवारिक कार्यक्रमासाठी फिर्यादी नाना मेडपल्लीवार हे आपले कुटुंब आणि दुसरे चुलत भाऊ आकाश भगवान मेडपल्लीवार यांच्यासह सावली येथे गेले होते. रात्रीच्या सुमारास सर्वजण वास्तुशांतीच्या कार्यक्रमात जेवण करत असताना हा वाद उफाळून आला.

प्लेटमधील तेलावरून सुरू झालेला वाद, सावली मारहाण

घटनेच्या दिवशी रात्री आठ ते साडेआठ वाजताच्या सुमारास फिर्यादीचा चुलत भाऊ आकाश मेडपल्लीवार हा जेवण करीत असताना त्याच्या प्लेटमध्ये जास्त प्रमाणात तेल असल्याचे त्याच्या निदर्शनास आले. त्यामुळे त्याने जेवणाचे व्यवस्थापन पाहणाऱ्या कॅटरिंग चालकाकडे जाऊन, “भाऊ, या प्लेटमध्ये तेल भरपूर दिसत आहे, हे इतके तेल कशाचे आहे?” अशी विचारणा केली. या साध्या आणि सामान्य प्रश्नावरून कॅटरिंग चालकाचा पारा चढला. कॅटरिंग चालवीत असलेला गोलू कावळे हा संतापला आणि त्याने आकाशला अरेरावी करत, “तुला जेवण करायचे असेल तर चुपचाप जेवण कर, विनाफालतू बोलू नकोस,” असे म्हणून शिवीगाळ करण्यास सुरुवात केली.

काठीने डोक्यावर आणि डोळ्याजवळ दुखापत, सावली मारहाण

शिवीगाळीस विरोध केला असता आरोपी गोलू कावळे याने आकाश मेडपल्लीवार याला हाता-बुक्क्यांनी बेदम मारहाण करण्यास सुरुवात केली. भावाला मारहाण होत असल्याचे पाहून फिर्यादी नाना मेडपल्लीवार हे भांडण सोडवण्यासाठी व मध्यस्थी करण्यासाठी पुढे धावले. मात्र, यादरम्यान गोलू कावळे याचा भाऊ विक्रांत कावळे हा तिथे धावून आला आणि त्याने हातात लाकडी काठी घेऊन थेट फिर्यादीच्या डोक्यात व डाव्या डोळ्यावर जोरदार प्रहार केला. गोलू कावळे आणि विक्रात कावळे या दोन्ही सख्ख्या भावांनी मिळून आकाश मेडपल्लीवार व फिर्यादी नाना मेडपल्लीवार यांना लाकडी काठीने आणि हाता-बुक्क्यांनी बेदम मारहाण केली, ज्यामध्ये फिर्यादीच्या डोक्याला आणि डाव्या डोळ्याच्या बाजूला गंभीर दुखापत झाली आहे.

या प्राणघातक हल्ल्यानंतर घाबरलेल्या व जखमी झालेल्या फिर्यादीने तत्काळ सावली पोलीस ठाणे गाठून घडलेल्या सर्व प्रकारची हकिगत पोलिसांना सांगितली. फिर्यादीच्या तक्रारीवरून सावली पोलिसांनी आरोपी गोलू कावळे आणि विक्रात कावळे (दोघे रा. वॉर्ड क्रमांक ७, सावली, जि. चंद्रपूर) यांच्याविरुद्ध भारतीय न्याय संहितेच्या (भा.न्या.सं.) २०२३ चे कलमानुसार ११८ (१), २९६, ३ आणि ५ अन्वये गुन्हा नोंदवला आहे. या प्रकरणाचा पुढील तपास पोलीस शिपाई केवाल निंबाजी तुरे हे करत असून, जेवणाच्या क्षुल्लक कारणावरून झालेल्या या हिंसक मारहाणीमुळे सावली शहरात उलटसुलट चर्चा सुरू आहे.