NEWS34 / भद्रावती: Bhadrawati Gambling Raid News अंतर्गत शहरात एक मोठी बातमी समोर आली आहे. डोलारा तलाव पंचशील नगर भागात चालणाऱ्या जुगार अड्ड्यावर भद्रावती पोलिसांनी मोठी धाड टाकली.
या कारवाईत ९ जणांना रंगेहाथ अटक करण्यात आली आहे. त्यांच्याकडून ५ लाख ९८ हजार ५३० रुपयांचा मुद्देमाल जप्त झाला. यामध्ये ७ मोटारसायकली आणि ६ मोबाईलचा समावेश आहे. या धाडसत्रामुळे अवैध धंदेवाईकांचे धाबे दणाणले आहेत.
डोलारा तलाव परिसरात ५२ पत्त्यांवर लावली जात होती बाजी
मिळालेल्या माहितीनुसार, डोलारा तलाव पंचशील नगर भद्रावती येथे काही इसम ५२ पत्त्यांवर पैशांची बाजी लावून हारजितचा जुगार खेळत असल्याची पक्की बातमी पोलिसांच्या गुप्तहेराकडून मिळाली होती. माहिती मिळताच भद्रावती पोलीस ठाण्याच्या पथकाने क्षणाचाही विलंब न लावता घटनास्थळी धाड टाकली. पोलिसांनी जुगार खेळणाऱ्या ९ जणांना घटनास्थळावरूनच ताब्यात घेतले.
घटनास्थळावरून ९ जुगारींना पोलिसांनी घेतले ताब्यात
यामध्ये धीरज शंकर शेट्टी (वय ३२, रा. झिंगूजी वार्ड भद्रावती), रूषीकेश भांकर मडावी (वय २५, रा. पंचशील वार्ड भद्रावती), मुकेश वासुदेव सोना (वय ३५, रा. डोलारा तलाव भद्रावती), अजित शंकर शेट्टी (वय २८, रा. किल्ला वार्ड भद्रावती), मन्नु वासुदेव सोना (वय ३८, रा. डोलारा तलाव भद्रावती), अमित ओमप्रकाश टेभुर्णे (वय २६, रा. पंचशील नगर भद्रावती), उमेश भामराव रणदीवे (वय ३५, रा. डोलारा तलाव भद्रावती), राकेश नामदेव कुळमेथे (वय ३५, रा. पंचशील नगर भद्रावती) आणि सोनु ज्ञानेश्वर ढेंगळे (वय ३६, रा. किल्ला वार्ड भद्रावती) यांचा समावेश आहे.
७ मोटारसायकली आणि ६ मोबाईलसह ६ लाखांचा ऐवज जप्त
पोलीस पथकाने घटनास्थळाची आणि आरोपींची पंचांसमक्ष अंगझडती घेतली असता त्यांच्या ताब्यातून ७ मोटरसायकली आणि ६ मोबाईल हँडसेट असा एकूण ५ लाख ९८ हजार ५३० रुपये किमतीचा ऐवज मिळून आला. पोलिसांनी सदर मुद्देमाल जप्त करून रीतसर पंचनामा केला. याप्रकरणी भद्रावती पोलीस ठाण्यात आरोपींविरुद्ध कलम १२(अ) मजुका अन्वये गुन्हा नोंदवण्यात आला असून पुढील तपास सुरू आहे.
सदरची यशस्वी कारवाई पोलीस अधीक्षक आयुष नोपानी, अपर पोलीस अधीक्षक ईश्वर कातकडे आणि उपविभागीय पोलीस अधिकारी (चंद्रपूर) संतोष बाकल यांच्या मार्गदर्शनाखाली ठाणेदार पोलीस निरीक्षक योगेश्वर पारधी, गुन्हे शोध पथकातील पोलीस उपनिरीक्षक गजानन तुपकर, संतोष केदार, सहाय्यक फौजदार महेंद्र बेसरकर, पोलीस हवालदार अनुप आस्टूनकर, देवानंद डुकरे, गोपाल आतकुलवार, पोलीस अंमलदार खुशाल कावले, योगेश घाटोळे आणि संतोष राठोड यांनी केली आहे.
प्रकाश हांडे हे News34.in चे संपादक असून चंद्रपूर, गडचिरोली व विदर्भातील राजकारण, गुन्हेगारी, सामाजिक आणि स्थानिक घडामोडींवर वृत्तांकन करतात. पत्रकारिता क्षेत्रातील अनेक वर्षांचा अनुभव असून ते डिजिटल न्यूज आणि तपास वृत्तांकनात सक्रिय आहेत.
